Джаш тёлю бла студентлени Сочи шахарда баргъан Х1Х-чу Бютеудуния фестивалларында Россияны регионларыны экспозицияларыны кёрмючю къуралгъан эди.   Ол ишге Къарачай-Черкесия да къошулуб, республиканы халкъларыны бурундан бери да тёлюден тёлюге кёче, сакълана келген миллет культураларын, табигъатыны сейирлик джерлерин, регионда туристлик хыйсабы бла джаш тёлюню республикада хайырландырылыб тургъан аламат проектлерин кесини презентация стендинде салгъанды.
     Джер юсюню узакъ эмда джууукъ джерлеринден Сочиге келгенледен  КъЧР-ни стендине къарагъанлагъа алтын оюула тигиб салыуну хакъындан мастер-класс да къуралгъан эди алайда. Аны кибик, фестивалны къонакъларына, ол стендге къараб, Къарачай-Черкесияны  таурухлу джерини табигъатына экскурсиягъа баргъанча, таб, джомакълы Хурла Кёлню къатында ариулукъну кёзлери бла кёрюб къайтхан кибик болурча таблыкъла къуралгъандыла.

 Октябрны 18-де «Бирикген Россия» партияны Баш советини бюросуну Москвада уллу кенгеши болгъанды. Анга КъЧР-ни Башчысы Темрезланы Рашид да къошулгъанды.
«Бирикген Россияны» пресс-къуллугъу билдиргеннге кёре, Баш советини председатели Борис Грызлов джыйылгъанланы ётген ыйыкъда этилген магъаналы партия оноула бла шагъырей этгенди. Аны бла бирге айырыб эс бёлюрге тыйыншлы юч затны (халкъны джашау болуму бла социал-экономика ёсюмню, тыш политиканы, къраллыкъ бла политика ишлени) юслеринден партияны Баш советини ишчи къауумлары джыл сайын докладла эте турсала деген оюмну да теджегенди.

 24 октября в Пятигорске полномочный представитель Президента России в СКФО Олег Белавенцев вручил руководителю администрации Главы и Правительства КЧР Эльдару Салпагарову государственную награду- медаль ордена «За заслуги перед Отечеством» II степени.
Указ о награждении подписал Президент Российской Федерации Владимир Путин.
Глава Карачаево-Черкесии Рашид Темрезов поздравил Эльдара Салпагарова с высокой наградой, пожелав дальнейших успехов на благо родной республики.
«Считаю, что эта государственная награда - высокая оценка его весомого вклада в развитие Карачаево-Черкесии, в укрепление мира и стабильности в республике», - написал в своем официальном аккаунте в Instagram Рашид Темрезов.

 Мындан алда КъЧР-ге Къыбыла Тегей Республиканы Президенти Анатолий Бибилов келгенди. Ол тегей литератураны тамалын салгъан, белгили джазыучу Коста Хетагуров туугъанлы 158 джыл толгъанына аталгъан джыйылыугъа къошулгъандыла. Ол иш поэтни сыйына аталгъан Коста Хетагурово элде бардырылгъанды.

Республиканы Башчысы Темрезланы Рашид Анатолий Ильичге, заман табыб бизни республикагъа экинчи кере келгени ючюн (биринчи республикагъа 25 джыл толгъанына аталгъан къууанч джыйылыуда болгъан эди), разылыгъын билдире, бюсюреу этди. Андан сора Темрезланы Рашид бла Анатолий Бибилов кёб тюрлю затха бир кёзден къараб, талай сорууну оноуун этдиле. Бизни регионланы арасында къарнаш шохлукъну, культураны, башха ашхы затланы бегитирик ишлени, проектлени белгиледиле.

 Бу кюнледе Москвада Къарачай-Черкес Республиканы Башчысы Темрезланы Рашид Россияны эл мюлкюню министрини биринчи заместители Хатуов Джамбулат бла тюбешгенди. Ала Къарачай-Черкес Республикада агропромышленность комплексни джылны озгъан заманында этген ишини эсеблерини бу санагъатны юсю бла  джашауда бардырылгъан эмда келир джыл джарашдырыллыкъ инвестицион проектлени хакъындан сёлешгендиле.
«Къарачай-Черкес Республиканы эл мюлкню бирча ёсдюрюб турурча кючю барды. Россияны Эл мюлк министерствосу регионну агропромышленность комплексини, элледе инфраструктураланы ёсюмюне джораланнган башламчылыгъын, учунмакълыгъын джакълайды», - дегенди Хатуов Джамбулат.