"Къарачай" газетни редакциясында декабрны 26-да   джарыкъ мероприятие ётдю.
Газетни социал бёлюмюню корреспонденти Батчаланы Фатиманы  РФ-ны Афганчыларыны ветеранларыны союзуну бизни республикада бёлюмюню правлениесини членлери алгъышладыла. Фатима "Къарачай" газетде "Афганчыла" деген рубриканы 2017-чи джылны февраль айындан бери бардырады. Аны юсю бла афганчыланы атлары ёсюб келген джаш тёлюге юлгю болурлай, аланы Афганистанда къазауатда къаллай джигитликле этгенлерини юслеринден джазгъанлай турады.


Россияны Афганчыларыны ветеранларыны союзуну КъЧР-де Правлеринсини членлери Эркенланы Азрет-Алий, Къочхарланы Мухаммат, Тешеллеуланы Арсен ветеранлагъа таймаздан болушлукъ этиб тургъаны ючюн Батчаланы Фатимагъа "За помощь и содействие ветеранскому движению" деген медалны бердиле. Андан сора да аны Москва шахарда "Инвалиды войны" атлы джамагъат организацияны башчысы А.Г.Чепурнойну эмда РФ-ны афганчы сакъатларыны джамагъат организациясыны бизни республикада бёлюмюню тамадасы Г.И.Ждановну атларындан Хурмет грамотала, КЧРО РСВА-ны правлениесини атындан да Бюсюреу къагъыт бла саугъаладыла.

 
{jcomments}