Подробности

Кёб болмай республиканы Премьер-министри Аслан Озов, Эресей Федерацияны Президенти В. В. Путинни «О национальных целях и стратегических задачах развития РФ на период до 2024 года» деген май указына кёре, миллет проектлени джашауда бардырыуну юсюнден кенгеш этгенди.

Алайда «Создание системы поддержки фермеров и развитие сельской кооперации», «Малое и среднее предпринимательство и поддержка индивидуальной предпринимательской инициативы» деген миллет проектлени къураб, алагъа джашауда орун алдырыуну юсюнден сёлешдиле.

Кенгешге къошулгъанланы арасында Къарачай-Черкесияда федерал инспектор Игорь Дральщиков, КъЧР-ни Правительствосуну Председателини орунбасарлары Байчораланы Эльдар бла Евгений Поляков, Къарачай-Черкесияны экономика ёсюмюню министри Али Накохов, КъЧР-ни эл мюлк министри Боташланы Анзор бар эдиле.

Подробности

 Быйыл абыстол (ноябрь) айны 22-де «Радиотелевизионный передающий центр Карачаево-Черкесской Республики» деген эресейчи телевизион эмда радио-бериуню сетини бёлюмю тест джорукъда 44 передатчик къургъанды. Аны кючю бла «Рен-Тв», «Спас», «СТС», «Домашний», «ТВ-3», «Пятница», «Звезда», «Мир», «ТНТ», «Муз ТВ» каналла къошулгъандыла. Аланы къуру бизни республикада къой эсенг, бютеу къралны цифралы бериулеге бурууда уллу магъанасы барды. Юч-тёрт джылны мындан алда республиканы элледе джашагъан адамлары 3-4 канал бла хайырлана эдиле. Энди уа, эллени джамагъаты, иги кёргюзген 20 каналгъа къараргъа мадар табарыкъды. Бирикген информацион стандартны джангы технологияларыны джашаугъа кийирилгенлерини хайыры уллуду. Регионну адамлары информацияны бары да бирча аладыла.

Подробности

 Мындан алда Къарачай-Черкес Республиканы Башчысы Темрезланы Рашид ишни юсю бла Ногъай муниципал районнга баргъанды. Ол Эркен-Шахар посёлокда юйлени алларында джерлени айбатлы этиуге джораланыб бардырылгъан ишлени къалай этилгенлерине багъа бергенди. Быйыл посёлокда кёб фатарлы 12 юйню арбазлары ариу тюрсюн аллыкъдыла. Тёрт орамны да толу ремонт ишлери битерикди. Ногъай районда джамагъат джерлени ариу этиуге терен эс бёледиле.

Темрезланы Рашид посёлокну джамагъаты бла ушакъ этиб, баджарылгъан ишлени юсюнде аланы оюмларын сора, мындан ары да бардырыллыкъ ишледе биригиб, ишге таукел джюрюш берирге кереклисин айтханды.

Андан сора Темрезланы Рашид эллени тамадаларыны эслерин, адамлагъа юй-коммунал мюлклени проблемаларыны механизми къалай ишлегенин айтыб ангылатырларын излегенди.

Подробности

 

 Мындан алда Къарачай-Черкес Республиканы Башчысы Темрезланы Рашид, Финанс университетни ректору  Михаил Эскиндаров чакъырыб, Къарачай-Черкесиядан Москвада окъугъан студентле бла тюбешгенди.

Джыйылгъанланы аллында университетни ректору Михаил Эскиндаров сёлешгенди. Ол кесини гитче джурту Къарачай-Черкесия бла байлам юзмей джашагъанын билдире, аны социал-экономика ёсюмюнде джетишимлерине къууаннганын айтханды. Андан сора сёзню КъЧР-ни Башчысы Темрезланы Рашидге бергенди.

Темрезланы Рашид студентле бла тюбешген 3 сагъатны ичинде 60 соруугъа джууаб бергенди. Биринчи соруу окъууда, илмуда, джамагъат ишледе айырылыб алгъа чыкъгъан студентлеге стипендия бериуню юсюнден болгъанды.

Подробности

 КъЧР-ни Башчысы Темрезланы Рашидни башламчылыгъы бла, республиканы Правительствосуну членлери хар миллет проектни юсюнден, федерал министерствола бла биригиб, кенгешле бардыргъанлай турадыла.

Мындан алда Къарачай-Черкес Республиканы Башчысы Темрезланы Рашид, КъЧР-ни вице-премьери Джанибек Суюнов, КъЧР-ни Урунуу бла социал ёсюмюню министри Анзор Охтов Москвада Урунуу бла социал къоруулауну министри Максим Топилин бардыргъан кенгешге къошулгъандыла. Ары баргъанланы арасында министерствону регионал проектлеге къарагъан бютеу департаментлери да болгъандыла.

  1. УЛЛУ МАГЪАНАСЫ БАРДЫ
  2. ХАЛКЪГЪА ДЖАРАР ИННЕТДЕ
  3. ТУРИЗМНИ АЙНЫТА
  4. БОЛУШУРГЪА ХАЗЫРДЫЛА
  • Вы здесь:  
  • Главная