Алайда «Создание системы поддержки фермеров и развитие сельской кооперации», «Малое и среднее предпринимательство и поддержка индивидуальной предпринимательской инициативы» деген миллет проектлени къураб, алагъа джашауда орун алдырыуну юсюнден сёлешдиле.
Кенгешге къошулгъанланы арасында Къарачай-Черкесияда федерал инспектор Игорь Дральщиков, КъЧР-ни Правительствосуну Председателини орунбасарлары Байчораланы Эльдар бла Евгений Поляков, Къарачай-Черкесияны экономика ёсюмюню министри Али Накохов, КъЧР-ни эл мюлк министри Боташланы Анзор бар эдиле.
Республиканы эл мюлк министри Боташланы Анзор «Создание системы поддержки фермеров и развитие» деген проектни юсюнден доклад этди.
«Бу проект, элде джашагъанланы, эл мюлк кооперацияны къурамына кириб, этген хайырларын кёлтюрюрча мадарла къурайды. Адамла энчи мюлклеринде чыгъаргъан затланы законнга кёре халкъгъа, къралгъа сатыб башларына хайыр этерге болушады. Гитче мюлкле чыгъаргъан затлагъа конкуренцияны кёлтюреди эмда ала ёсерча себебле этеди. Фермерле бла эл мюлк кооперативлеге джораланнган кърал болушлукъну мадарларын иги ишлетеди.
Бюгюнлюкде ол амалсыз керекли къагъытланы джарашдырыб, КъЧР-ни Экономика ёсюмюню министерствосуна ийгенбиз»,- деди Боташ улу.
Лепшокъланы Хусеин.
