Къарачай-Черкес Республиканы санатыны махтаулу къуллукъчусу Байрамкъулланы Пилялны джашы Исмаил 1974-чю джыл Краснодар шахарда маданият институтну бошайды. Ол заманда джорукъгъа кёре, баш билим алгъан джаш усталаны бирер джерге ишлерге ашыра эдиле. Исмаилны Краснодар край оперетта театргъа балетмейстер этиб иедиле. Алайда бир кесек ишлегенден сора, Къобан кърал къазакъ ансамблге кёчюредиле. Анда да ол къуллукъну тындырыб турады. Артда Германияда эмда Тбилисиде аскер ансамбллеге башчылыкъ этеди. Джуртуна къайтханлай Ючкекенде хореография школну ачады. Андан сора республиканы «Эльбрус» кърал ансамблини директору, суратлау джаны бла башчысы, балетмейстери къуллукъланы да этиб турады.
Мындан алда ансамбль къуралгъанлы 30 джыл толгъанына аталгъан къууанчны этгендиле. Ушагъыбызны ол къалай ётгенинден башладыкъ.
- Республикан театргъа бек кёб адам келген эди. Аланы арасында кесибизден уллу къуллукъчула, санатны сюйгенле, джазыучула, журналистле, артистле, хоншу регионланы келечилери да бар эдиле. Эм алгъа ансамблни къурагъан фахмулу адамлагъа сый берилди.
Андан сора республиканы маданият министри Бороков Рамазан КъЧР-ни Башчысы Темрезланы Рашидни алгъышлауун окъуду. Аны ызы бла Халкъ Джыйылыуну (Парламентни) Илмуну, окъууну, спортну, маданиятны, джаш тёлю ишле бла туризмни комитетини тамадасы Биджев Исмель, профсоюз бирлешликни тамадасы Айбазланы Раиса, Ставрополь крайдан, Къабарты-Малкъардан, Ингушетиядан, Астрахандан дагъыда башха джерледен келген делегацияла алгъышладыла. Ансамблде джыйырма джылдан артыкъны ишлеб тургъанлагъа залдагъыла бирден харс уруб, бюсюреу этдиле.
Джыйылгъанлагъа республиканы халкъларыны тепсеулеринден къуралгъан уллу концерт кёргюздюк.
- Юбилейни аллы бла былтыр, быйыл талай джерде къараулагъа къошулгъансыз. Аланы бир къауумуну юсюнден кесингден эшитирге излей эдик.
- Республикагъа 25 джыл толгъан къууанч мында да, Москвада да болгъан эди. Кремль къалада концертге биз да къошулдукъ. Былтыр анга дери, андан сора бюгюнлеге дери кёб джерледе кёргюздюк концертле. Краснодарда «Мир Кавказу» деген фестивалда, Владикавказда «Культура и спорт» деген фестивалда, Турцияда фестивалда да болдукъ. Ростов шахарны джамагъаты толу программа бла салыннган концертге къарады. Шимал Кавказда биз болмагъан регион къалмагъанды, десек да уллу джангыллыкъ тюлбюз. Кавминвод курорт шахарлада солугъанлагъа хар джыл сайын тёрт концерт кёргюзебиз. Бу джол да тышындан келгенлени бизни санат бла шагъырей этдик. Къачан да болуучусуча, кесибизде отчёт концерт салдыкъ. Республиканы ичинде айланнганлай тургъанбыз. Къайда да бек джылы тюбейдиле. Коллектив миллетни барын да разы этерге кёллениб турса да, хаман чырмау болгъан зат бар эди. Ол да неди десенг, концерт кёргюзюрча таблыкъ хар къайда да болмагъаны. Былтыр бла быйылны озгъан айларында джангы джарыкълыкъ юйле ишленнгени, эскилеге толу ремонт этилгени ол элледе джашагъанланы, бизни да бек къууандыргъанды. Мындан ары да ол затла этилликлери хакъды. Алайды да, джамагъат бла аслам тюбеше турлукъбуз. Биз сахнада кёргюзген затланы 99 проценти Къарачай-Черкесияда джашагъан миллетлени тепсеулеридиле.
- Къараучула ашыгъыб сакълагъан артистле кёб болгъанларын билебиз. Сен айырыб къайсыланы айтыргъа боллукъса?
- Биджиланы Алим, Березикланы Осман, Хубийланы Светлана, Текеланы Аминат бла Солтан, Курачинов Темирлан, Ионов Мурат, Дауров Руслан. Алтмышха джууукъ адамны ичинде энтда бу тизимге къошарчала кёбдюле.
- Джашауну джоругъу алайды - къайда да джылы джетген солургъа кетеди. Башха ишледе аланы орунларына келликле табыладыла, сизге ол къыйын тие болур?
- Аны къайгъысын алгъаракъдан этебиз. Сабийлени тепсерге юретген студиябыз барды. Анга 6-14 джыллада 150-ге джууукъ сабий джюрюйдю. Къызчыкъланы Даурова Юля, джашчыкъланы да Ионов Мурат юретедиле. Уллуракъ болгъанладан сайлаб, эндиге дери да аладан ансамблге къошуб тургъанбыз, мындан ары да алай этерикбиз. Андан сора Ючкекенде кесим башчылыкъ этген хореография школдан да келедиле.
- Унутмагъан эсем артистлеге кийимлени уллу джоюм этиб, башха регионладан ала эдигиз. Энтда алаймыды?
- Огъай. Алгъын Тегейден, Къабарты-Малкъардан алыучу кийимлени кесибизде тигедиле. Айбазланы Кулина деб уста барды. Хар не кереклибизни да ол тындырады.
- Мындан арыгъа муратларыгъыз къалайды?
- Юбилейибиз бла байламлы Черкесскеде уллу концерт салыргъа хазырланабыз. Бизге билдиргенлерине кёре, республикадан делегация Австриягъа барлыкъды. Ансамблни да элтирге деб турадыла. Концертледен бош заманыбыз репетициялагъа кетеди. Репертуарны юсюнден айтсам, къараучула бек джаратханлары себебли, алгъындан тепсеулени да сакълайбыз, джангыла да къураб, башха тюрлю джарашдыра барабыз.
- Да Аллах этген ашхы муратларыгъызгъа джетдирсин!
- Сау болугъуз.
Андан сора республиканы маданият министри Бороков Рамазан КъЧР-ни Башчысы Темрезланы Рашидни алгъышлауун окъуду. Аны ызы бла Халкъ Джыйылыуну (Парламентни) Илмуну, окъууну, спортну, маданиятны, джаш тёлю ишле бла туризмни комитетини тамадасы Биджев Исмель, профсоюз бирлешликни тамадасы Айбазланы Раиса, Ставрополь крайдан, Къабарты-Малкъардан, Ингушетиядан, Астрахандан дагъыда башха джерледен келген делегацияла алгъышладыла. Ансамблде джыйырма джылдан артыкъны ишлеб тургъанлагъа залдагъыла бирден харс уруб, бюсюреу этдиле.
Джыйылгъанлагъа республиканы халкъларыны тепсеулеринден къуралгъан уллу концерт кёргюздюк.
- Юбилейни аллы бла былтыр, быйыл талай джерде къараулагъа къошулгъансыз. Аланы бир къауумуну юсюнден кесингден эшитирге излей эдик.
- Республикагъа 25 джыл толгъан къууанч мында да, Москвада да болгъан эди. Кремль къалада концертге биз да къошулдукъ. Былтыр анга дери, андан сора бюгюнлеге дери кёб джерледе кёргюздюк концертле. Краснодарда «Мир Кавказу» деген фестивалда, Владикавказда «Культура и спорт» деген фестивалда, Турцияда фестивалда да болдукъ. Ростов шахарны джамагъаты толу программа бла салыннган концертге къарады. Шимал Кавказда биз болмагъан регион къалмагъанды, десек да уллу джангыллыкъ тюлбюз. Кавминвод курорт шахарлада солугъанлагъа хар джыл сайын тёрт концерт кёргюзебиз. Бу джол да тышындан келгенлени бизни санат бла шагъырей этдик. Къачан да болуучусуча, кесибизде отчёт концерт салдыкъ. Республиканы ичинде айланнганлай тургъанбыз. Къайда да бек джылы тюбейдиле. Коллектив миллетни барын да разы этерге кёллениб турса да, хаман чырмау болгъан зат бар эди. Ол да неди десенг, концерт кёргюзюрча таблыкъ хар къайда да болмагъаны. Былтыр бла быйылны озгъан айларында джангы джарыкълыкъ юйле ишленнгени, эскилеге толу ремонт этилгени ол элледе джашагъанланы, бизни да бек къууандыргъанды. Мындан ары да ол затла этилликлери хакъды. Алайды да, джамагъат бла аслам тюбеше турлукъбуз. Биз сахнада кёргюзген затланы 99 проценти Къарачай-Черкесияда джашагъан миллетлени тепсеулеридиле.
- Къараучула ашыгъыб сакълагъан артистле кёб болгъанларын билебиз. Сен айырыб къайсыланы айтыргъа боллукъса?
- Биджиланы Алим, Березикланы Осман, Хубийланы Светлана, Текеланы Аминат бла Солтан, Курачинов Темирлан, Ионов Мурат, Дауров Руслан. Алтмышха джууукъ адамны ичинде энтда бу тизимге къошарчала кёбдюле.
- Джашауну джоругъу алайды - къайда да джылы джетген солургъа кетеди. Башха ишледе аланы орунларына келликле табыладыла, сизге ол къыйын тие болур?
- Аны къайгъысын алгъаракъдан этебиз. Сабийлени тепсерге юретген студиябыз барды. Анга 6-14 джыллада 150-ге джууукъ сабий джюрюйдю. Къызчыкъланы Даурова Юля, джашчыкъланы да Ионов Мурат юретедиле. Уллуракъ болгъанладан сайлаб, эндиге дери да аладан ансамблге къошуб тургъанбыз, мындан ары да алай этерикбиз. Андан сора Ючкекенде кесим башчылыкъ этген хореография школдан да келедиле.
- Унутмагъан эсем артистлеге кийимлени уллу джоюм этиб, башха регионладан ала эдигиз. Энтда алаймыды?
- Огъай. Алгъын Тегейден, Къабарты-Малкъардан алыучу кийимлени кесибизде тигедиле. Айбазланы Кулина деб уста барды. Хар не кереклибизни да ол тындырады.
- Мындан арыгъа муратларыгъыз къалайды?
- Юбилейибиз бла байламлы Черкесскеде уллу концерт салыргъа хазырланабыз. Бизге билдиргенлерине кёре, республикадан делегация Австриягъа барлыкъды. Ансамблни да элтирге деб турадыла. Концертледен бош заманыбыз репетициялагъа кетеди. Репертуарны юсюнден айтсам, къараучула бек джаратханлары себебли, алгъындан тепсеулени да сакълайбыз, джангыла да къураб, башха тюрлю джарашдыра барабыз.
- Да Аллах этген ашхы муратларыгъызгъа джетдирсин!
- Сау болугъуз.
АППАЛАНЫ Билял.
{jcomments}
