Аны «Ногъай Эл» деген джамагъат бирлешлик чыгъаргъанды. Къарачай-Черкес Республиканы Башчысы Темрезланы Рашид ногъай-орус сёзлюкню чыгъарын биринчи излегенди. Башчы республиканы халкъларыны тиллерини, маданиятларыны ёсюмлерине терен эс бёлгенлей турады.
Джыйылыуну ишине КъЧР-ни окъуу бла илму министри Инна Кравченко да къошулгъан эди.
Уллу ногъай-орус сёзлюкню чыкъгъаны ногъай халкъны тарихинде къаллыкъ ишди. Не ючюн десек, ахыр кере аллай сёзлюк 60 джылны мындан алда чыкъгъан эди. Сёзлюкню джаш тёлюню арасында ногъай тил бла маданиятны ёсдюрюрге уллу магъанасы боллукъду.
Аны чыгъарыр ючюн Къарачай-Черкесияны тилден усталары, алимлери 14 джылны кюрешгендиле. Ол 60-чы джыллада чыкъгъан сёзлюкден эсе эки къатха уллуду.
(Бизни корр.).
