Кёб болмай Эресей Федерацияны Контроль-ревизион къуллугъуну 95-джыллыкъ юбилейи болгъан эди. Ол байрамны Къарачай-Черкес Республикада да этдиле.
Республиканы контроль-ревизион къуллугъуна хар заманда терен акъыллары, билимлери, уллу сынамлары болгъан, джууаблылыкъларын терен сезген, финанс халини бузгъанланы ачыкълагъан, болумлу адамла башчылыкъ этгендиле. Ала къуллукъну андан ары къуралыууна, ёсерине энчи юлюш къошхандыла. 1943-чю джылдан бери бири бирин ауушдура, ол къуллукъда Н.И.Поландов, В.В.Голей, К.А.Шаов, Абазалыланы Х.С., В.А.Демидов, М.Х-И.Борануков эмда М.Я.Карданов ишлегендиле. Ала бары да джууаблы къуллукъларын сый бла толтуруб, тариххе киргендиле.
2016-чы джыл Эресей финанс надзорну этген ишини финанс контролюну болумун иги этер, джангыртыр мурат бла ол Федерал казначействогъа, аны джергили органларына берилгенди. Кърал контролну магъанасы, этген ишини дараджасы ёседи. Андан бери кёб заман озмаса да, кесини джетишимлери бла, ол да тарихни бир бети болгъанды.
Джангы зат Къарачай-Черкесиягъа да келгенди. Структураланы къошулгъанлары араны джылы этгенди, джангы ёсюмню мадарларын бирикдиргенди.
Къарачай-Черкес Республикада Федерал казначействону управлениесине Катчиланы Солтанны джашы Исмаил башчылыкъ этеди. Ол финанс-бюджет санагъатда контроль бла надзордан джангы эркинлиги (полномочиелери) бла тутхан ишин джашаугъа джетишимли кийиреди.
Аны ашхы коллективин къурагъан адамла, ишлерине джууаблы кёзден къарагъан мийик билимли усталадыла. Ала республиканы джеринде бюджет контрольну бютеу системасында кеслерини хайырлылыкъларын кёргюзгендиле. Бюгюнлюкде ревизор - ол аналитика акъылды. Хар затны иги билген тюз иннетли, таза джюрекли, сатылмагъан, ишине джууаблылыгъын терен сезген адамды.
Управлениени контроль-ревизион бёлюмюнде иги ишлегенлени араларында Эрикгенланы Б.М., Р.А.Шакова, С.С.Дышеков, Л.И.Кабардиев, Р.А.Тоцкий, Бытдаланы З.Х., Къарамурзинланы Н.А., Гюрджюланы А.А., Е.А.Тупикова, Абрекланы А.-А. эмда башхала бардыла.
Тамада тёлю кесини уллу сынамын, билимин джаш тёлюге сюйюб береди. Аллай бирикмеклик салыннган борчланы магъаналы толтурургъа мадар береди. Аланы арасында Къаракетланы А.А., Гочияланы А.К., Мижаева А.А., Байрамукъланы З.А., Чеккуланы А.А. башхала бардыла.
Ала бары да Къарачай-Черкесияны кърал къуллугъуну махтаулу ревизорларыдыла. Бюджет мадарланы къалай хайырланылгъанларына, бюджетни кертилигине, финанс-экономика санагъатда закон бузулмазына башха кёб затха къарайдыла. Къарачай-Черкесияны ревизорлары мындан ары да алгъа тири бара, ишлеринде джангы джетишимлеге ие болургъа тырмашадыла. Быйыл озгъан тогъуз айны ичинде Федерал казначействону Къарачай-Черкесияда управлениеси 69 контроль иш бардыргъанды. Закон, джорукъ бузулгъан кёб затны тюзетгенди.
Федерал казначействону Къарачай-Черкес Республикада управлениесини тамадалары Федерал казначействону тамадаларына, Къарачай-Черкесияны Башчысы Темрезланы Рашидге, Правительствогъа алагъа болушханлары ючюн, уллу бюсюреу этиб, бек разы болгъанларын билдиредиле.
Лепшокъланы Хусеин.
