Адетдеча, бу джол да шахарчыла бла къонакълагъа КъЧР-ни бютеу районларындан элчи (фермер) мюлкле, предприятиеле, элчиле, табышлылыкъ иш бла кюрешгенле кеслери чыгъаргъан продукцияны теджерикдиле.
Алайды да, джармалыкъгъа келгенле, сайлау этиб, эт, этден, сютден этилген азыкъ продуктала, кондитер изделиеле, промышленность товарла, джер ашаула, урлукъла, эл мюлк керекле, чемер къоллула этген затла алыргъа боллукъдула.
Аны бла бирге джармалыкъда кёгет эмда тахта кёгет, бал, мюрзеу боллукъду. Аланы учуз багъа бла сатарыкъдыла. Айтыргъа, джюрюген багъасындан 15-20 процентге учуз алыргъа боллукъду.
Былайда дагъыда бир затны айырыб чертерге тыйыншлыды – джармалыкъгъа Ставрополь эмда Краснодар крайланы, Къабарты-Малкъар бла Адыгей республикаланы айтылыб тургъан эл мюлклери да къошуллукъдула. Алай бла, кеслери этген затланы 200-ден аслам мюлк бла организация теджерикдиле.
Джазгъы республикан джармалыкъгъа келгенле Къарачай-Черкес Республиканы белгили творчество коллективлери хазырлагъан концерт программагъа да къарарыкъдыла.
Маралланы Ина.
{jcomments}
