Талай кюнню мындан алгъа Россия Федерацияны Президентини Шимал Кавказ федерал округда Толу эркинликли келечиси Белавенцев Олегни башчылыгъы бла регионну субъектлерини башчыларындан – Ингушетияны Башчысы Евкуров Юнус-Бекден, Ставрополь крайны Губернатору Владимиров Владимирден, Терк Башы Тегейни Башчысы Битаров Вячеславдан, Къабарты-Малкъарны Башчысы Коков Юрийден - къуралгъан делегация Кърым джарым айрымканнга барыб келгенди.

Ол делегацияны къурамында Къарачай-Черкесияны Башчысы Темрезланы Рашид да болгъанды.  Делегациягъа джол башчылыкъ а Севастополну Губернатору Овсянников Дмитрий бла Кърымны Башчысы Аксёнов Сергей этгендиле. Къонакъла Джигит шахар Севастополда эмда Кърымда айланнгандыла.


Делегацияны членлери Севастополда «Мемориальный комплекс памятников обороны города Севастополя 1854-1855 г.г., 1941-1944 г.г., «Малахов курган» и музей «Панорама обороны Севастополя 1855 -1954 гг.» деген эсгертмеге къарагъандыла эмда гокка хансла салгъандыла.
Ыйых кюн Темрезланы Рашид «Русская весна 2018» деген аты бла РФ-ны ШКФО-да Толу эркинликли келечиси, вице-адмирал, Россия Федерацияны Джигити Белавенцев Олегни ёчюне бардырылгъан  парус регатны кюнюн тамамлаугъа  аталыб бардырылгъан  къууанчда болгъанды.
Белавенцев делегацияны членлерине регатха къошулгъанланы саны джылдан джылгъа ёсе баргъаныны, аны эришиулерине Россия Федерацияны субъектлеринден адамла келгенлей тургъанларыны, ол эришиуле регионланы араларында шохлукъ иш джюрютюулени ёсдюрюрге себеб болгъанларыны юслеринден хапар айтханды.

 
{jcomments}