Аны ишине санагъат ведомстволаны келечилери къошулгъандыла.
Учкулан ёзенни эллерине газ тартдырыу «Газпром» ПАО-ну «Газификация регионов Российской Федерации на 2017-2020 годы» деген инвестицион программасыны тамалында бардырыллыкъды.
Кенгешни эсеблерине кёре газ быргъы ётерик джолну проектин джарашдырыугъа бу ишге сансызлыкъ танытмагъанла тири къошулургъа керекдиле. Алай бла, газ Джангы Тебердиге, Учкуланнга, Эльбрусский посёлокга, Къарт-Джуртха, Хурзукга, Огъары Учкуланнга тартыллыкъды. Бу элле барысы да Къарачай районда орналгъандыла.
Эсге салыргъа излейбиз. Къарачай-Черкес Республиканы Башчысы Темрезланы Рашид, «Газпром» ПАО-ну директорларыны советини председатели эмда аны заместители бла тюбешиб, Учкулан ёзеннге газ тартдырыуну юсюнден кесамат этгенди.
