Бу кюнледе Къарачай-Черкесияны ара шахарында орналгъан кърал филармонияда «Баталпашинские чтения» деген Бютеуэресей илму-практика конференция бардырылгъанды.

Ол конференция Черкесск шахарда Покров атлы клисаны 180-джыллыгъы бла Къобан къазакъ аскерлени Баталпаша бёлюмюню 135-джыллыгъына аталгъан эди.
Конференцияны пленар кенгешине КъЧР-ни миллет ишлерини, кёбчюлюк коммуникацияла бла басмасыны хакъындан министрни къуллукъ борчларын толтургъан Мурат Есенеев да къошулгъан эди. Ол, джыйылгъанлагъа хошкелди айта, конференцияны кёзюуюнде джараулу ушакъ этерге теджеди.
«Баталпашинские чтения» деген Бютеуэресей илму-практика конференция православ динни бизни регионда тарихин тюзетиуге, КъЧР-де джашагъан славянла бла къазакъланы джашауларын сюзюуге аталгъан эди.
Анга кърал властны органларыны келечилери, илму экспертле, къралыбызны регионларында билим бериу бла кюрешген устала, республиканы ВУЗ-ларыны, СУЗ-ларыны студентлери къошулгъан эдиле.