Къарачай-Черкесияны багъалы джамагъаты!
Школланы устазлары, окъуучулары, баш окъуу заведениелени устазлары бла студентлери, аны кибик ата-анала, сизни барыгъызны да джангы окъуу джылны башланнганы бла алгъышлайбыз!
Бу окъуу джыл бизни республикада биринчи классха  алты мингден артыкъ сабий барлыкъды. Ала школлада ётдюрген джылла джангы затла бла билимден толгъан сейир джылла болсунла!

Къарачай-Черкесияда иги билим алыуну болумлары джыл джылдан ёсе, кенгере барадыла. Арт беш джылны ичинде да республикада 15 джангы школ ишленнгенди эмда джангыртылгъанды. Къуру быйыл биз «школ+сабий сад» деген формат бла юч окъуу комплексни тамамлай турабыз. Аллыбызда да джангы борчла турадыла. Сабийлени иги билим берген школла бла баджарыу, окъутуу  ишни дараджасын кёлтюрюу, фахмулу сабийле бла джаш адамлагъа джакълыкъ этиу, окъуу учреждениелени хазна-рысхы тамалларын бегитиу, педагогланы урунуу болумларын игилендириу - ма быладыла ала.

Бюгюн биз эм иги алгъышлауларыбызны устазланы тюрлю-тюрлю тёлюлерини кёб джылларын сабийлеге билим бере ашыргъан келечилерине джоралайбыз.  Къарачай-Черкесияны педагогларыны бары да сабийлени сюйгенлери эмда алагъа къайгъыргъанлары ючюн сау болсунла.
Бу байрам кюнде Къарачай-Черкесия бла Россияны адамларыны барына да кючлю саулукъ, джетишимле, къууанч, ашхылыкъла теджейбиз!

Къарачай-Черкес Республиканы
Башчысы Темрезланы Рашид
Къарачай-Черкес Республиканы
 Халкъ Джыйылыууну (Парламентини)
Председатели Иванов Александр
Къарачай-Черкес Республиканы
Правительствосуну Председатели Озов Аслан.