Хакъды, кесине исламны эм иги шартларын джыйышдыргъан бу сыйлы кюн къуру хаджны тамамланнганын баямлаб къоймайды. Аны бла бирге бизни ийман джаны бла тазаланнганыбызны белгилейди. Бизге керти ийманлы джууукъларыбыз бла тенглерибизни эсгерирге кереклибизни билдиреди. Барыбызны да, хакъ муслиманлача, бир-бирибизге игиликле этерге чакъырады.
Къурман байрамны къууанчы этилген кюнледе, бирси динлени байрам кюнлериндеча, бу сыйлы кюнледе да кёб миллетли Къарачай-Черкесияны хар юйюню эшиклери, къайсы миллетден эмда динден болгъанларына къарамай, къонакълагъа ачылыб турлукъдула. Аны себеби тамалын Идаль-Адха салгъан муслиман байрам миллет неда дин айырмайды. Анга адамланы бары да бирча багъалыдыла.
Биз быйыл хадж къылыб, бу сыйлы байрамгъа исламны - рахатлыкъ бла джарашыулукъну динини - чыкъгъан джеринде тюбегенлени артыкъ да уллу сый бериб алгъышлайбыз. Джууукъ заманда аланы кеслерини джуртларына сау-эсен къайтырыкъларын излейбиз. Къарачай-Черкесияда хар юйге насыб, рахатлыкъ, ашхылыкъла теджейбиз.
Къарачай-Черкесияны багъалы адамлары, къурманыгъыз къабыл болсун, этген ашхы муратларыгъыз толсунла! Келир бу заманнга да къууанч бла сау-эсен джетейик!
Къарачай-Черкес Республиканы
Башчысы Темрезланы Рашид
Къарачай-Черкес Республиканы
Халкъ Джыйылыууну (Парламентини)
Председатели Иванов Александр
Къарачай-Черкес Республиканы
Правительствосуну Председатели Озов Аслан.
