Къарачай-Черкесияны хурметли джамагъаты!

Кърал байрам бла – Халкъ бирликни кюню бла – барыгъызны да алгъышлайбыз!
Тамам 410 джылны мындан алда – 1612-чи джыл – Кузьма Минин бла Дмитрий Пожарский, тили, дини, бай, джарлы деб къарамай, мингле бла адамланы бирикдириб, зытчыу аскер къураб, Москваны поляк интервентледен азатлагъандыла.

Ол уллу иш къралны джокъ этерге ууланнган къалабалыкъ заманны ахырын белгилегенди.
Бюгюн, андан бери джюзле бла джылла кетгенден сора, бизге – кёб миллетли Эресейни эмда Къарачай-Черкесияны адамларына – ол байрам багъалылай къалады. Къыйын джылла бирлик, тёзюмлюлюк, ийнанмакълыкъ, шохлукъ, патриотлукъ сартын халкъгъа сынам болуб тюшюучендиле. Бюгюнлюкде да, ётгюрлюк, эркишилик, таукеллик, басым, тёзюм керек чакъда, халкъ бирлигин, къралны излемлерин джакъларгъа хазыр тургъанын танытханына кёлюбюз къууанады.
Къралыбызны, туугъан джерибизни айнытыугъа, ёсдюрюуге тыйыншлы юлюш къошхан адамларыбызны алларында бёрк алабыз. Эресейни тамблагъы кюню ючюн, халкъны эсенлиги ючюн, келлик тёлюлени насыблары ючюн къыйын джыллада джанларын-къанларын аямагъанла эсибизде джашайдыла.

Къарачай-Черкес Республиканы Башчысы
Темрезланы Рашид

Къарачай-Черкес Республиканы Халкъ
Джыйылыууну (Парламентини) Председатели
Иванов Александр
Къарачай-Черкес Республиканы
Правительствосуну Председатели
АРГУНОВ Мурат.