Эресей Федерацияны Президенти Владимир Владимирович Путин Донецк бла Луганск халкъ республикалада джамагъатны сыйын тюшюрюу, адам ёлген тохтасын деб, тюрлю-тюрлю мадарланы, амалланы хайырландыра, игилик бла 8 джылны кюрешгенди. Миллетчиле (националистле) аны айтханын эшитирге излемегендиле, этерге унамагъандыла. Ол къой эсенг, алайда бизни къралгъа къаршчы баргъан къауум къуралгъанды. Аны бютеу къралла биледиле.

Къралыбызны тамадасы Указгъа къол салыб бардырыла тургъан спецоперация бютеу украиначылагъа къаршчы бармайды. Ол амалсыз этилген, миллетчилени къурутургъа джораланнган ишди. Ала тохтарыкъ адамла тюлдюле. Арада келишим болуб, иш рахатлыкъны тамалында битсе иги эди. Къралыбыз тынчлыкълы джашар болум къураргъа тыйыншлыды, аны бла байламлы башланнган ишни  аягъына дери джетдирирге керекди.

Аскер къуллукъларын тындыра, алагъа салыннган борчну толтургъан джашла уа, бек кючлю, къарыулу, тири, Джуртха кертилик сакълагъан адамладыла. Биз ала бла махтанабыз. Эресейни къраллыгъын сакълайыкъ, деб кюрешедиле. Ала отха да кирликдиле, джанларын берирге керек болса, берликдиле. Алагъа Аллах мийик джетишим, хорлам бериб, сау-эсен юйлерине къайтыргъа буюрсун.

Къачхынчылыкъны юсюнден айтсам, юйюнден сюйюб киши чыкъмайды. Юйюн, арбазын, малын, итин, киштигин, башха затын, рысхысын атыб, башын алыб кетеди. Аллайлагъа не джаны бла да болушургъа керекди. Бизни миллет къачан да къыйналгъаннга эс бёлюб тургъанды. Кереклиге къолундан келгенича болушхан, ол ёмюрледен келген адетибизди. Алагъа Аллах болушсун, биз да, биригиб, къолубуздан келгенича болушургъа керекбиз.

Хабланы Руслан,

«Къарачай - алан халкъ» джамагъат

бирлешликни тамадасы.