Джалгъан хапарла кёб джайылгъан кёзюуде РФ-ны Правительствосу тюзю айтылгъан джангылыкъланы басмаларгъа джораланнган «Объясняем.рф» деген информацион ресурсну къурагъанды. Аны юсюнден РФ-ны Правительствосуну Председателини орунбасары Дмитрий Чернышенко кесини видеочакъырыуунда билдиргенди.

«Правительство адамлагъа магъаналы эмда тюз информацияны джетдирирге излейди. Аны ючюн РФ-ны Правительствосуну Председатели «Объясняем.рф» деген информацион ресурсну къураргъа оноу этгенди. Джангы портал тюз эмда официал джангылыкъланы берген мадар боллукъду. Ары джангы информация тохтаусуз тюшюб турлукъду», - деб чертгенди Дмитрий Чернышенко.

Порталда тюрлю-тюрлю санагъатла бла байламлы магъаналы соруулагъа джууабла да басмаланнгандыла.

Вице-премьер айтхандан, адамла «Объясняем.рф» деген порталгъа кеслерини сорууларын джиберирге да боллукъдула. Сорууланы порталны «Viber», «Telegram», «ВКонтакте», «Одноклассники» деген социал сетледе бетлерини юсю бла джиберир мадар да барды.

«Келген соруулагъа тохтаусуз къараллыкъды. Алагъа джууабланы, министерствола бла ведомствола да къошулуб, терк къайтарыргъа кюреширикбиз. Порталда «Соруу-джууаб», «Джангылыкъла», «Стопфейк», «Керекли материалла» деген бёлюмле боллукъдула.

Портал ишлеб башлагъанды. Эресейчилени эмда тыш къралладан келгенлени порталда басмаланнган джангылыкълагъа эс бёлюрге чакъырама. Ышаннгысыз хапарлагъа ийнанмагъыз», - деб къошханды Дмитрий Чернышенко.