Бюгюнлюкде Украинада бола тургъан ишлеге къайгъырмагъан эресейчи болмаз. Адамланы кёбюсю не бола тургъанын иги ангыламай, не айтыргъа билмей, арсар болуб турадыла.

Мен, Эресейни адамыча, къралыбызны Президенти Владимир Путинни Украинада бизни джуртубузгъа къоркъуулу болгъан ишлени тохтатыр джанындан иш этиб къуралгъан операцияны бардырыргъа деген оноуун  бек тюзге санайма.

Аны баш нюзюрю Эресейни эмда Украинада къарнаш миллетни къоруулау болгъанына ишек этмейме. Къралыбызны башчылыгъы, аскер къуллукъчула хар ишлерин да «базманнга салыб», тамам кереклисича этгенлерине ышанама.

Украинада бардырыла тургъан операция дуния харакет ючюн къазауат тюлдю, ол тарих тюзлюкню белгилерге эмда къралыбызны къоркъуусузлугъун бегитирге джораланнган ишди.

Ол халкъла арасы келишиулеге кёре, тынчлыкълы кёзюуде Украинаны джеринде къазауатда хайырландырыллыкъ аскер кереклени салдырмазгъа эмда нацизмни тюбю бла къурутургъа деб къуралгъанды.

Бурундан да Эресей Украинагъа къарнаш къралгъача джылы къарагъанды. Бусагъатда да Эресей Украинаны аскер объектлерин къурутады ансы, уруш этмеген адамларыны тынчлыкъларына къатылмайды.

Президентибизге узакъ ёмюр, уллу джетишимле теджейме! Донбасс бла Луганск халкъ республикалада чайкъамды болуб тургъан адамланы рахат джашаугъа чыгъарыргъа джораланнган къаугъада Эресейни Сауутлу кючлерине хорлам тилейме!!!

Джазаланы Аубекирни къызы Фатима,

Джёгетей Аягъы шахарда

«Солнышко» деген 3-чю номерли сабий садны директору.

.