Бу кюнледе Байчораланы Мариям атлы Къарачай-Черкес кърал тарих-маданият эмда табигъат музейни-заповедникни мекямында «Дом национальностей» деген, тохтамай ишлеб турлукъ, кёрмюч ачылды.
Кёрмючню ачылыууна Къарачай-Черкес Республиканы Правительствосуну Председатели Аслан Озов, республикабызны маданият министри Рамазан Бороков, финансла министри Сюйюнчланы Мурат, миллет ишлерини, кёбчюлюк коммуникацияла бла басманы юслеринден министрини орунбасары Хубийланы Ислам, башха кърал ишчиле, республикабызда джамагъат бирлешликлени келечилери, алимле, студентле, тарихни, этнографияны сюйгенле, журналистле джыйылгъан эдиле.
Кёрмючню ача, Къарачай-Черкес Республиканы Правительствосуну Председатели Аслан Озов бу кёрмюч Эресей Федерацияны Президентини 2012-чи джыл эндреуюк (декабрь) айны 12-де 1666-чы номерли Указыны тамалында этилген иш болгъанын айтды. Аны бла бирге, бу кёрмюч Къарачай-Черкес Республиканы Башчысы Темрезланы Рашидни энчи аманаты бла этилгенин да белгиледи. Правительствону Председатели бу кёрмючню халкъланы араларында шохлукъну бегитиуде уллу магъанасы болгъанын да чертди.
Кёрмючге музейни-заповедникни фондунда болгъан, Къарачай-Черкес Республиканы халкъларыны маданиятларын кёргюзген затланы салгъандыла. Аланы ичинде, ХIХ-чу ёмюрде, XX-чы ёмюрню ал сюреминде тюшюрюлген суратла; къарачайлыла, черкеслиле, абазалыла, ногъайлыла, къазакъла хайырланнган юй керекле, агъачдан, темирден этилген юй сауутла; кийизле, кюйюзле, бёркле, чепкенле, джаулукъла, аякъ кийимле; алтындан, кюмюшден этилген белибаула, кямарла; къошунла, четенле эмда башха затла бардыла.
Саулай да бу кёрмючде 500-ден артыкъ экспонат барды.
Кёрмючге келиб бу затланы кёрген адам бизни республикабызда джашагъан халкъланы маданиятларыны бир-бирлерине ушагъан кёб затларын эсгерликди. Хар миллетни маданиятында энчиликле бар эселе да, ол энчиликле къарнаш халкъланы маданиятларын андан да бай этерге себеб боллукъдула. Бу кёрмючге къарасанг, озгъан ёмюрлеге къайтханча болуб, миллетлени тарихлерине, маданиятларына, тин байлыкъларына таза джюрекден багъа бересе. Ол сезим миллетлени араларында шохлукъну бютюн да къаты тутаргъа уллу себеб болады.
«Дом национальностей» деген кёрмючге кюн сайын эртденбла сагъат 9-дан ингир 18 сагъатха дери барыб къараргъа боллукъду.
Кёрмючню ача, Къарачай-Черкес Республиканы Правительствосуну Председатели Аслан Озов бу кёрмюч Эресей Федерацияны Президентини 2012-чи джыл эндреуюк (декабрь) айны 12-де 1666-чы номерли Указыны тамалында этилген иш болгъанын айтды. Аны бла бирге, бу кёрмюч Къарачай-Черкес Республиканы Башчысы Темрезланы Рашидни энчи аманаты бла этилгенин да белгиледи. Правительствону Председатели бу кёрмючню халкъланы араларында шохлукъну бегитиуде уллу магъанасы болгъанын да чертди.
Кёрмючге музейни-заповедникни фондунда болгъан, Къарачай-Черкес Республиканы халкъларыны маданиятларын кёргюзген затланы салгъандыла. Аланы ичинде, ХIХ-чу ёмюрде, XX-чы ёмюрню ал сюреминде тюшюрюлген суратла; къарачайлыла, черкеслиле, абазалыла, ногъайлыла, къазакъла хайырланнган юй керекле, агъачдан, темирден этилген юй сауутла; кийизле, кюйюзле, бёркле, чепкенле, джаулукъла, аякъ кийимле; алтындан, кюмюшден этилген белибаула, кямарла; къошунла, четенле эмда башха затла бардыла.
Саулай да бу кёрмючде 500-ден артыкъ экспонат барды.
Кёрмючге келиб бу затланы кёрген адам бизни республикабызда джашагъан халкъланы маданиятларыны бир-бирлерине ушагъан кёб затларын эсгерликди. Хар миллетни маданиятында энчиликле бар эселе да, ол энчиликле къарнаш халкъланы маданиятларын андан да бай этерге себеб боллукъдула. Бу кёрмючге къарасанг, озгъан ёмюрлеге къайтханча болуб, миллетлени тарихлерине, маданиятларына, тин байлыкъларына таза джюрекден багъа бересе. Ол сезим миллетлени араларында шохлукъну бютюн да къаты тутаргъа уллу себеб болады.
«Дом национальностей» деген кёрмючге кюн сайын эртденбла сагъат 9-дан ингир 18 сагъатха дери барыб къараргъа боллукъду.
(БИЗНИ КОРР.).
{jcomments}
