Элия (июль) айны 24-де Къарачай-Черкес Республиканы Байрамукъланы Халимат атлы ара библиотекасында джаш тёлю этнокультура фестивалны тамалында «тёгерек стол» бардырылды. «Тёгерек столну» баш темасы – «Джамагъат бирлешликлени миллетле арасы келишиулюкге къошхан юлюшлери».
«Тёгерек столну» Пятигорскеден «Сервис-персонал» деген джамагъат бирлешлик къурагъан эди. Аны ишине КъЧР-ни Миллет ишлерини, кёбчюлюк коммуникацияла бла басманы юслеринден министрини орунбасары Хубийланы Ислам, КъЧР-ни джамагъат, джаш тёлю бирлешликлерини келечилери эмда башхала къошулгъан эдиле.
«…Бизни республикада 1999-чу джыл миллетле арасы къаллай къаугъа чыкъгъанын бизни тёлю, джашлыгъыбыз бла, толу эсгерелмеген эсек да сиз, тамада къауум, бек ариу билесиз. Сизни оюмлугъугъуз бла ол къаугъаладан сыйыбыз бла чыкъгъанбыз…
Муслиманлыланы дин управлениелерини эмда орус православ клисаны бардыргъан ишлерине да разылыгъымы билдиририм келеди. Республикада мамыр джашауну сакъланыуунда аланы да уллу юлюшлери барды. Бусагъатда республикада болгъан рахат, мамыр джашауну биз келлик тёлюлеге къояргъа керекбиз», - деди кесини ал сёзюнде Хубийланы Ислам.
Андан сора «Къарачай – алан халкъ» деген джамагъат бирлешликни председателини орунбасары Тотуркъулланы Шагъабан, «Ногай Эл» деген джамагъат бирлешликни тамадасы Валерий Казаков, Муратхан Михайлович, Магомед Санглибаев, «Русь» бирлешликни тамадасы Евгений Жедяев, Черкесскеде 6-чы номерли орта школну директору Галина Клименко, «Адыге-Хасэ – черкес парламент» деген къозгъалыуну тамадасы Али Асланов, «Абаза» деген джамагъат бирлешликни тамадасы Щорс Чагов, Иоанн Афонин иерей дагъыда башхала сёлешдиле. Аланы бары да бюгюнлюкде республикада джашагъан миллетлени араларында бир-бирлерин ангыламакълыкъ сакъланнганын чертдиле. Республикада джашагъан миллетле ана тиллерин, маданиятларын унутмазча, артыкъ да бек джаш тёлю, къаллай мадарла этерге кереклисини юсюнден оюмларын айтдыла.
Регионубуз кёб миллетли регион болгъаны себебли хар миллетни маданият байлыгъын да бирча сыйларгъа керек болгъанын, миллетле арасы эмда регионла арасы байламлылыкъны кенгертирге керек болгъанын чертди Хубийланы Ислам. «Власть, граждан общество институтла эмда илму биригиб ишлеселе миллетле арасы байламлылыкъны юсюнден политиканы асыулу бардырыргъа себеб боллукъдула.
Миллетле эмда конфессияла арасы байламлылыкъда баш принципле бла келишиулюкню сакълар ючюн биз бирге бардырлыкъ ишлерибизни тизимин хазырларгъа керекбиз», - деб къошду дагъыда Хубийланы Ислам.
«Тёгерек столну» Пятигорскеден «Сервис-персонал» деген джамагъат бирлешлик къурагъан эди. Аны ишине КъЧР-ни Миллет ишлерини, кёбчюлюк коммуникацияла бла басманы юслеринден министрини орунбасары Хубийланы Ислам, КъЧР-ни джамагъат, джаш тёлю бирлешликлерини келечилери эмда башхала къошулгъан эдиле.
«…Бизни республикада 1999-чу джыл миллетле арасы къаллай къаугъа чыкъгъанын бизни тёлю, джашлыгъыбыз бла, толу эсгерелмеген эсек да сиз, тамада къауум, бек ариу билесиз. Сизни оюмлугъугъуз бла ол къаугъаладан сыйыбыз бла чыкъгъанбыз…
Муслиманлыланы дин управлениелерини эмда орус православ клисаны бардыргъан ишлерине да разылыгъымы билдиририм келеди. Республикада мамыр джашауну сакъланыуунда аланы да уллу юлюшлери барды. Бусагъатда республикада болгъан рахат, мамыр джашауну биз келлик тёлюлеге къояргъа керекбиз», - деди кесини ал сёзюнде Хубийланы Ислам.
Андан сора «Къарачай – алан халкъ» деген джамагъат бирлешликни председателини орунбасары Тотуркъулланы Шагъабан, «Ногай Эл» деген джамагъат бирлешликни тамадасы Валерий Казаков, Муратхан Михайлович, Магомед Санглибаев, «Русь» бирлешликни тамадасы Евгений Жедяев, Черкесскеде 6-чы номерли орта школну директору Галина Клименко, «Адыге-Хасэ – черкес парламент» деген къозгъалыуну тамадасы Али Асланов, «Абаза» деген джамагъат бирлешликни тамадасы Щорс Чагов, Иоанн Афонин иерей дагъыда башхала сёлешдиле. Аланы бары да бюгюнлюкде республикада джашагъан миллетлени араларында бир-бирлерин ангыламакълыкъ сакъланнганын чертдиле. Республикада джашагъан миллетле ана тиллерин, маданиятларын унутмазча, артыкъ да бек джаш тёлю, къаллай мадарла этерге кереклисини юсюнден оюмларын айтдыла.
Регионубуз кёб миллетли регион болгъаны себебли хар миллетни маданият байлыгъын да бирча сыйларгъа керек болгъанын, миллетле арасы эмда регионла арасы байламлылыкъны кенгертирге керек болгъанын чертди Хубийланы Ислам. «Власть, граждан общество институтла эмда илму биригиб ишлеселе миллетле арасы байламлылыкъны юсюнден политиканы асыулу бардырыргъа себеб боллукъдула.
Миллетле эмда конфессияла арасы байламлылыкъда баш принципле бла келишиулюкню сакълар ючюн биз бирге бардырлыкъ ишлерибизни тизимин хазырларгъа керекбиз», - деб къошду дагъыда Хубийланы Ислам.
Семенланы Зарема.
{jcomments}
