Москвада Россияны халкъларыны Сабий адабият антологиясы орус эмда миллет тилледе энчи китаб болуб чыкъгъанды. Россияны халкъларыны Сабий адабият антологиясы кърал программаны дараджасында басмаланнганды.
Январны 25-де Байрамукъланы Халимат атлы республикан библиотекада Россияны халкъларыны Сабий адабият антологиясыны презентациясы болгъанды. Анга КъЧР-ни миллет ишлерини, кёбчюлюк коммуникацияла бла басманы юсюнден министрини заместители Хубийланы Ислам, республикан газетлени редакторлары бла журналистлери, республиканы джазыучулары бла поэтлери, телерадиокомпанияланы келечилери, депутатла, кърал, закон чыгъаргъан властланы органларыны келечилери, шахарла бла эллени ана тилден устазлары, алимле, творчество интеллигенция къошулгъандыла.
Къууанч джыйылыуну библиотеканы директору Хапчаланы Салых ачды.
- Байрамукъланы Халимат атлы республикан кърал миллет библиотеканы иги адетлерини бири Джангы джылгъа библиотеканы фондларында сакъланнган миллет, краевед китабланы баямлауду.
Бюгюн биз «Башха культурала – бир тин байлыкъ» деген аты бла Къарачай-Черкес Республиканы халкъларыны Литература бла искусстволарныны кюнлерин ачабыз.
Кърал библиотекада республикада джашагъан миллетлени литератураларын, культураларын, тарихлерин, адетлерин, бюгюннгю турмушларын ачыкълагъан, кёргюзген кюнлерин бардырабыз.
Краевед, миллет литератураны айлыгъында кёрмючле, джазыучула, поэтле бла тюбешиуле, назму конкурсла боладыла, буклетле чыгъарабыз, аны кибик башха ишле баджарабыз, - деб библиотека бардыргъан ишлени юслеринден хапар айтыб, Сабий адабият антологияны джарашдыргъан кёзюуде уллу къыйынлары кирген къуллукъчулагъа, джазыучулагъа разылыгъын билдирди.
Андан ары джыйылыуну библиотеканы бёлюмюню тамадасы Боюнсузланы Роза бардырды.
- Литература байрамда сизге бу аламат китабны - Сабий адабиятны антологиясын теджейбиз, - деб, антологияны редколлегиясына киргенле бла танышдырыб, къаллай ишле бардырылгъаныны юсюнден хапар айтды. - 2016-чы джыл Россия Федерацияны Президентини аманаты бла литератураны, китаб чыгъарыу бла окъууну къурау комитети эмда басма бла кёбчюлюк коммуникацияланы федерал агентствосу «Россия Федерацияны халкъларыны миллет литератураларына болушлукъ программасын» джарашдырыб бегитгендиле.
Миллет литератураланы айныуларына мадар къураргъа, араларында байламлыкъланы бегитирге, Бютеуроссия литература процессге къошуу, джангы миллет суратлау элита къурау эди программаны нюзюрю.
Программаны тамалында жанрла бла бюгюннгю джазыучуланы чыгъармаларын бирикдирген Россияны кёб миллетли литературасыны антологиялары чыгъадыла.
Биринчи болуб кёб тилли «Россияны халкъларыны поэзия антологиясы», экинчиси, Сабий литература чыкъгъандыла басмадан.
Сабий литература антологияны ал сёзюн Матвиенко Валентина Ивановна джазгъанды. Китабны магъанасын черте ол: «Сиз ачхан китаб Россияны халкъларыны тиллерини суратлау кючлерин, байлыкъларын кёргюзгенден сора да уллу къралны бирикген суратын кёргюзеди. Эм гитче гражданчыкълагъа джораланнган чыгъармаланы орус тилге фахмулу кёчюрюлгенлери бизни барыбызны да тин байлыгъыбызды», - деб джазады.
Сабий литератураны антологиясы орусча окъугъанлагъа Россияны халкъларыны бюгюннгю литератураларын теджейди. Анга 1991-чи джылдан бери 55 миллет тилде джазылгъан 201 авторну чыгъармалары киредиле.
Хар миллет литературагъа антологияда литература тилни тарихи бла сабийлеге аталгъан суратлау творчествону юсюнден къысха хапарлагъан энчи бёлюм берилгенди.
Бёлюмле орус харифлени тизимине кёре къуралгъандыла. Авторла уа туугъан джылларына кёре салыныбдыла. Окъуучулагъа таблыкъгъа китабны хар бетинде миллет энчиликни кёргюзюр ючюн, мифология персонажланы, юй-турмуш затланы, табигъат халланы, джамагъат къозгъалыуланы юслеринден комментарийле, ангылатыула бериледиле, - деди Боюнсузланы Роза.
Антологиягъа къарачай миллетни келечилерини чыгъармалары да киргендиле. Сылпагъарланы Кулинаны, Кечерукъланы Байдыматны, Къаракетланы Софияны, Ёзденланы Рашидни сабийлеге аталгъан магъаналы назмулары къарачай бла орус тилде басмаланнгандыла. Аланы къууанч джыйылыуда джангы китабла бла саугъалагъандан сора, «Къарачай-алан халкъ» организацияны Хурмет грамоталары бла саугъаладыла.
Джангы китабха аталгъан къууанч джыйылыу бек джарыкъ бардырылды. КъЧР-ни кърал филармониясыны джырчылары, «Къарча» ансамблни келечилери республикада джашагъан хар бир миллетни тилинде халкъ сюйген джырланы джырлаб да къууандырдыла.
Библиотекада сабий адабият бла байламлы китабладан ариу кёрмюч да къуралгъанды. Ол бир айны окъуучуланы къууандырыб турлукъду.
Къууанч джыйылыуну библиотеканы директору Хапчаланы Салых ачды.
- Байрамукъланы Халимат атлы республикан кърал миллет библиотеканы иги адетлерини бири Джангы джылгъа библиотеканы фондларында сакъланнган миллет, краевед китабланы баямлауду.
Бюгюн биз «Башха культурала – бир тин байлыкъ» деген аты бла Къарачай-Черкес Республиканы халкъларыны Литература бла искусстволарныны кюнлерин ачабыз.
Кърал библиотекада республикада джашагъан миллетлени литератураларын, культураларын, тарихлерин, адетлерин, бюгюннгю турмушларын ачыкълагъан, кёргюзген кюнлерин бардырабыз.
Краевед, миллет литератураны айлыгъында кёрмючле, джазыучула, поэтле бла тюбешиуле, назму конкурсла боладыла, буклетле чыгъарабыз, аны кибик башха ишле баджарабыз, - деб библиотека бардыргъан ишлени юслеринден хапар айтыб, Сабий адабият антологияны джарашдыргъан кёзюуде уллу къыйынлары кирген къуллукъчулагъа, джазыучулагъа разылыгъын билдирди.
Андан ары джыйылыуну библиотеканы бёлюмюню тамадасы Боюнсузланы Роза бардырды.
- Литература байрамда сизге бу аламат китабны - Сабий адабиятны антологиясын теджейбиз, - деб, антологияны редколлегиясына киргенле бла танышдырыб, къаллай ишле бардырылгъаныны юсюнден хапар айтды. - 2016-чы джыл Россия Федерацияны Президентини аманаты бла литератураны, китаб чыгъарыу бла окъууну къурау комитети эмда басма бла кёбчюлюк коммуникацияланы федерал агентствосу «Россия Федерацияны халкъларыны миллет литератураларына болушлукъ программасын» джарашдырыб бегитгендиле.
Миллет литератураланы айныуларына мадар къураргъа, араларында байламлыкъланы бегитирге, Бютеуроссия литература процессге къошуу, джангы миллет суратлау элита къурау эди программаны нюзюрю.
Программаны тамалында жанрла бла бюгюннгю джазыучуланы чыгъармаларын бирикдирген Россияны кёб миллетли литературасыны антологиялары чыгъадыла.
Биринчи болуб кёб тилли «Россияны халкъларыны поэзия антологиясы», экинчиси, Сабий литература чыкъгъандыла басмадан.
Сабий литература антологияны ал сёзюн Матвиенко Валентина Ивановна джазгъанды. Китабны магъанасын черте ол: «Сиз ачхан китаб Россияны халкъларыны тиллерини суратлау кючлерин, байлыкъларын кёргюзгенден сора да уллу къралны бирикген суратын кёргюзеди. Эм гитче гражданчыкълагъа джораланнган чыгъармаланы орус тилге фахмулу кёчюрюлгенлери бизни барыбызны да тин байлыгъыбызды», - деб джазады.
Сабий литератураны антологиясы орусча окъугъанлагъа Россияны халкъларыны бюгюннгю литератураларын теджейди. Анга 1991-чи джылдан бери 55 миллет тилде джазылгъан 201 авторну чыгъармалары киредиле.
Хар миллет литературагъа антологияда литература тилни тарихи бла сабийлеге аталгъан суратлау творчествону юсюнден къысха хапарлагъан энчи бёлюм берилгенди.
Бёлюмле орус харифлени тизимине кёре къуралгъандыла. Авторла уа туугъан джылларына кёре салыныбдыла. Окъуучулагъа таблыкъгъа китабны хар бетинде миллет энчиликни кёргюзюр ючюн, мифология персонажланы, юй-турмуш затланы, табигъат халланы, джамагъат къозгъалыуланы юслеринден комментарийле, ангылатыула бериледиле, - деди Боюнсузланы Роза.
Антологиягъа къарачай миллетни келечилерини чыгъармалары да киргендиле. Сылпагъарланы Кулинаны, Кечерукъланы Байдыматны, Къаракетланы Софияны, Ёзденланы Рашидни сабийлеге аталгъан магъаналы назмулары къарачай бла орус тилде басмаланнгандыла. Аланы къууанч джыйылыуда джангы китабла бла саугъалагъандан сора, «Къарачай-алан халкъ» организацияны Хурмет грамоталары бла саугъаладыла.
Джангы китабха аталгъан къууанч джыйылыу бек джарыкъ бардырылды. КъЧР-ни кърал филармониясыны джырчылары, «Къарча» ансамблни келечилери республикада джашагъан хар бир миллетни тилинде халкъ сюйген джырланы джырлаб да къууандырдыла.
Библиотекада сабий адабият бла байламлы китабладан ариу кёрмюч да къуралгъанды. Ол бир айны окъуучуланы къууандырыб турлукъду.
Джанкёзланы Марина.
{jcomments}
