Россиядан баргъан делегацияны къурамында КъЧР-ни Башчысы Темрезланы Рашид Европаны Джергили эмда регионал властларыны советини конгресси Францияны Страсбург шахарында бардыргъан пленар сессияны ишине къошулгъанды. Официал делегацияны къурамында кимле боллукъларыны оноуун Владимир Путин кеси этгенди. Алайды да, делегацияны къурамына Россияны регионларында властланы закон чыгъарыучу бла толтуруучу органларыны келечилери киргендиле. Аланы ичинде Черкесск шахарны мэри Тамбиев Руслан да болгъанды.
2018-чи джылны джазгъы сессиясында сюзюлген баш тема уа джергили эмда регионал дараджалада правону къоруулауну хакъындан ишлени оноуларын тыйыншлы халда этиуню юсюнден болгъанды. Конгрессни членлери регионланы, властны муниципал органларыны эмда Конгрессни ишини магъаналарын ёсдюрюуню, айнытыуну юсюнден баш ишлени, ала бла бирге да Россияны регионларыны келечилерини демократияны бегитиу джанындан этген ишлерин сюзгендиле.
Джергили эмда регионал властланы конгресси 47 къралны – Европаны Советини членлерини делегацияларын - бирикдиреди. Ол органны баш иши джергили эмда регионал дараджалада демократияны да, кеси башына эркин оноулу болууну джоругъун да не къадар кючлю этиу бла бегитиудю.
{jcomments}
