Кемеровода болгъан къыйынлыкъ бла байламлы Россия Федерацияны Президенти В. Путин, указ чыгъарыб, мартны 28-ин бютеу къралда бушуу этиу бла къара кийиуню кюню этиб баямлагъан эди. Анга, Россияда джашагъанланы барыча, Шимал Кавказны адамлары да ангыламакълыкъ бла тюбегендиле.
РФ-ны Президентини Шимал Кавказ федерал округда Толу эркинликли келечиси О. Белавенцев, регионну субъектлерини башчылары ол кюн Кемерово шахарны сатыу-алыу аралыгъында къабыннган отда адамла ачыгъанлары бла байламлы область бла шахарны властларына, бютеулей кемеровочулагъа эмда джарсыгъанланы джууукъларына-тенглерине, бушууларын-къайгъырыуларын айтыб, къайгъы сёз берген телеграммала джибергендиле.
Аны аллы кюн а округну хар джеринде бушуу этиуню митинглери болуб ётген эдиле. Сёзден, Шимал Кавказ федерал округну ара шахары Пятигорскеде от тюшгенде ёлгенлеге гокка хансла салгъан эдиле. Ингирде да ала отда ачыгъанланы эсгериуге атаб свечала джандырыб эмда бир такъыйкъаны шош болуб сюелген эдиле.
Мартны 27-де Къарачай-Черкесияны Башчысы Темрезланы Рашид республикада кёз ачхан ишле бардырыуну тыйдыргъан эди. Ол себебден ол кюн КъЧР-де джарыкълыкъ ишлени орунларына бушуу этиу бла къара кийиуню кюню болуб ётдю. Черкесск шахарда джашагъанла эртденден ингирге дери бушуу джыйылыула бардырыб, Джигитлени аллеясына гокка хансла, оюнчакъла, джандырылгъан свечала салыб турдула.
Ол кюн Ставрополь крайда, Ингушетияда, Дагъыстанда, Къабарты-Малкъарда дагъыда башха джерледе да алай ётдю. Кемеровода къыйынлыкъ бла байламлы малкъар халкъны Джангырыууну кюню да мартны 28-ден 30-на кёчюрюлдю. Талай джылны мындан алда терактны къыйынлыгъын сынагъан бесланчыла уа, от тюшгенден джарсыгъанланы биринчи номерли школну спортзалында джаннган свечаладан «Кемерово, скорбим» деб джазгъан джазыулары бла эсгередиле. Чечен Республиканы башчылыгъыны, джамагъатыны, творчество интеллигенциясыны келечилери да кемеровочуланы къыйынлыкъларына атаб бушуу митингле бардыргъандыла.
Регионда, аны ичинде КъЧР-ни эллери бла шахарларында адамла «Кемерово, сени быллай къыйын кюнюнгде Къарачай-Черкесия сени бла биргеди» деген чакъырыулары бла ол кюн кече арасына дери, андан сорагъы кюнде да бардыргъандыла бушуу джыйылыула. Алада уллу, гитче да Кемеровода болгъан къыйынлыкъгъа бек ачыгъанларын айтхандыла. Джарсыгъанлагъа къолларындан келген бла болушургъа хазырлыкъларын да билдиргендиле.
Ол кюн да, аны экинчи кюнюнде да школ сохтала, баш, орта усталыкъ билим берген окъуу заведениелени студентлери, джаш тёлюню келечилери кемеровочулагъа атаб кёкге кёб шар учургъандыла. Ол шарланы ичинде агъы, къарасы да бар эди.
Бушуу бла къара кийиуню кюнюнде Муслиманланы Къарачай-Черкес управлениесини Черкесск шахар бла Къобан районда къадысы Семенланы Хасан хаджи бла Николай Чудотворец Святителни Черкесск шахарда соборуну иерейи Иоанн Афонин, дууа окъуб, ёлгенлеге Аллахны рахматын тиледиле. Ол джумушларын битдиргенден сора бир такъыйкъаны шош болуб туруу бла къыйынлыкъда ёлгенлени эсгердиле.
Черкесскени Джигитлерини аллеясына шахарчыла эртденден ингирге дери келгенлей, къыйынлыкъда ачыгъан кемеровочулагъа атаб анга гокка хансла салгъанлай, алайда кёб сагъатланы сюелгенлей турдула.
Ол кюн от тюшгенде ачыгъан кемеровочулагъа гокка хансла салыргъа алайгъа келгенлени ичинде Къарачай-Черкесияны Правительствосуну Председатели Озов Аслан, КъЧР-ни Башчысы бла Правительствосуну Администрациясыны, Парламентини, джамагъат, джаш тёлю организацияларыны, политика партияланы келечилери, школланы сохталары дагъыда башхала бар эдиле.
Алай бла кемеровочуланы къыйынлыкълары, Россияда экинчи аллай джарсыу болгъандан Аллах сакъласын, бютеу къралныча, Къарачай-Черкесияны да кючлю бирикдирген кюн болуб ётдю. Ётдю десек да, ол кюн, унутулмай, бизни джюреклерибизде кёб заманны турлукъду.
Аны аллы кюн а округну хар джеринде бушуу этиуню митинглери болуб ётген эдиле. Сёзден, Шимал Кавказ федерал округну ара шахары Пятигорскеде от тюшгенде ёлгенлеге гокка хансла салгъан эдиле. Ингирде да ала отда ачыгъанланы эсгериуге атаб свечала джандырыб эмда бир такъыйкъаны шош болуб сюелген эдиле.
Мартны 27-де Къарачай-Черкесияны Башчысы Темрезланы Рашид республикада кёз ачхан ишле бардырыуну тыйдыргъан эди. Ол себебден ол кюн КъЧР-де джарыкълыкъ ишлени орунларына бушуу этиу бла къара кийиуню кюню болуб ётдю. Черкесск шахарда джашагъанла эртденден ингирге дери бушуу джыйылыула бардырыб, Джигитлени аллеясына гокка хансла, оюнчакъла, джандырылгъан свечала салыб турдула.
Ол кюн Ставрополь крайда, Ингушетияда, Дагъыстанда, Къабарты-Малкъарда дагъыда башха джерледе да алай ётдю. Кемеровода къыйынлыкъ бла байламлы малкъар халкъны Джангырыууну кюню да мартны 28-ден 30-на кёчюрюлдю. Талай джылны мындан алда терактны къыйынлыгъын сынагъан бесланчыла уа, от тюшгенден джарсыгъанланы биринчи номерли школну спортзалында джаннган свечаладан «Кемерово, скорбим» деб джазгъан джазыулары бла эсгередиле. Чечен Республиканы башчылыгъыны, джамагъатыны, творчество интеллигенциясыны келечилери да кемеровочуланы къыйынлыкъларына атаб бушуу митингле бардыргъандыла.
Регионда, аны ичинде КъЧР-ни эллери бла шахарларында адамла «Кемерово, сени быллай къыйын кюнюнгде Къарачай-Черкесия сени бла биргеди» деген чакъырыулары бла ол кюн кече арасына дери, андан сорагъы кюнде да бардыргъандыла бушуу джыйылыула. Алада уллу, гитче да Кемеровода болгъан къыйынлыкъгъа бек ачыгъанларын айтхандыла. Джарсыгъанлагъа къолларындан келген бла болушургъа хазырлыкъларын да билдиргендиле.
Ол кюн да, аны экинчи кюнюнде да школ сохтала, баш, орта усталыкъ билим берген окъуу заведениелени студентлери, джаш тёлюню келечилери кемеровочулагъа атаб кёкге кёб шар учургъандыла. Ол шарланы ичинде агъы, къарасы да бар эди.
Бушуу бла къара кийиуню кюнюнде Муслиманланы Къарачай-Черкес управлениесини Черкесск шахар бла Къобан районда къадысы Семенланы Хасан хаджи бла Николай Чудотворец Святителни Черкесск шахарда соборуну иерейи Иоанн Афонин, дууа окъуб, ёлгенлеге Аллахны рахматын тиледиле. Ол джумушларын битдиргенден сора бир такъыйкъаны шош болуб туруу бла къыйынлыкъда ёлгенлени эсгердиле.
Черкесскени Джигитлерини аллеясына шахарчыла эртденден ингирге дери келгенлей, къыйынлыкъда ачыгъан кемеровочулагъа атаб анга гокка хансла салгъанлай, алайда кёб сагъатланы сюелгенлей турдула.
Ол кюн от тюшгенде ачыгъан кемеровочулагъа гокка хансла салыргъа алайгъа келгенлени ичинде Къарачай-Черкесияны Правительствосуну Председатели Озов Аслан, КъЧР-ни Башчысы бла Правительствосуну Администрациясыны, Парламентини, джамагъат, джаш тёлю организацияларыны, политика партияланы келечилери, школланы сохталары дагъыда башхала бар эдиле.
Алай бла кемеровочуланы къыйынлыкълары, Россияда экинчи аллай джарсыу болгъандан Аллах сакъласын, бютеу къралныча, Къарачай-Черкесияны да кючлю бирикдирген кюн болуб ётдю. Ётдю десек да, ол кюн, унутулмай, бизни джюреклерибизде кёб заманны турлукъду.
Хубийланы Абу-Хасан.
{jcomments}
