Хабез районну Псаучье-Дахе элинде «школ плюс сабий сад» деген билим бериучю комплекс ишленнгенди. Аны ачыу бла хайырланыугъа бериуню къууанчында республиканы Башчысы Темрезланы Рашид да болгъанды.
Бу школ Россия Федерацияны Джигити Карданов Охидни атын джюрютеди. Алгъын былайда 100 джылны мындан алда ишленнген, тозгъан, эски мекям бар эди. Элни сохталары, анга джюрюб, билим ала эдиле. Эки джылны мындан алгъа уа, КъЧР-ни Башчысы Темрезланы Рашид, эл бла байламлы ишлени сюзе келгенинде, ол эски мекямчыкъны орнуна джангы школ ишлетирге айтыб кетген эди. Ма энди алайда хар неси да джарашхан, заманны излемине кёре ишленнген аламат мекям сюеледи. Мындан ары кёзюуде элчи сабийле анга джюрюб билим аллыкъдыла.
Аны ачыу бла хайырланыугъа бериуге аталгъан къууанчха КъЧР-ни Правительствосуну Председатели Озов Аслан, Правительствону членлери, Хабез гипс заводну директору Аргунов Олег, районну бирси башчылары эмда джамагъатыны келечилери къошулдула.
Темрезланы Рашид, къууанч джыйылыуда сёлеше, арт джыллада Къарачай-Черкесияны шахарлары бла эллеринде 16 школ бла 50 сабий сад ишленнгенин билдирди.
- Къысха заманны ичинде Хабез районда юч школ ишленнгенди да, бу аланы бириди. Аллыбызда джууукъ заманда да Гитче Зеленчук элде спорт комплексни хайырланыугъа берликбиз. Аны да къурулушу битгенди. Ол комплексден бизни республиканы атын да, саулай Россияны атын да айтдыргъан спортсменле чыгъарыкъларына мен толу ийнанама, - деди ол.
Республиканы Башчысы, Псаучье-Дахеде джашагъанланы элде быллай аламат окъуу учреждение ишленнгени бла алгъышлаб, алагъа ишлеринде, джашауларында джангы джетишимле, саулукъ-эсенлик, насыб теджеди. Школну ишлерге юлюш къошханланы барына джюрек разылыгъын билдирди.
Джыйылыуда Хабез гипс заводну директору Аргунов Олег, школну директору Темирова Фаризат дагъыда башхала, сёлешиб, элни сабийлерине билим алыргъа быллай аламат окъуу учреждение ишлетгени ючюн КъЧР-ни Башчысы Темрезланы Рашидге, аны къурулушун бардырыргъа юлюш къошханлагъа уллу джюрек разылыкъларын билдирдиле.
Андан сора Темрезланы Рашид, республикан, район аралыкъладан баргъан башчыла школну кабинетлерине айланыб къарадыла. Анда хар не бла шагъырей болдула. Школ заманны излемине кёре окъуу керекле бла толу баджарылгъанын айтдыла.
Школну джангы мекямы 5475 квадрат метр джерни алады. Аны 16 классында 264 сабий окъурукъду.
Бу школ Россия Федерацияны Джигити Карданов Охидни атын джюрютеди. Алгъын былайда 100 джылны мындан алда ишленнген, тозгъан, эски мекям бар эди. Элни сохталары, анга джюрюб, билим ала эдиле. Эки джылны мындан алгъа уа, КъЧР-ни Башчысы Темрезланы Рашид, эл бла байламлы ишлени сюзе келгенинде, ол эски мекямчыкъны орнуна джангы школ ишлетирге айтыб кетген эди. Ма энди алайда хар неси да джарашхан, заманны излемине кёре ишленнген аламат мекям сюеледи. Мындан ары кёзюуде элчи сабийле анга джюрюб билим аллыкъдыла.
Аны ачыу бла хайырланыугъа бериуге аталгъан къууанчха КъЧР-ни Правительствосуну Председатели Озов Аслан, Правительствону членлери, Хабез гипс заводну директору Аргунов Олег, районну бирси башчылары эмда джамагъатыны келечилери къошулдула.
Темрезланы Рашид, къууанч джыйылыуда сёлеше, арт джыллада Къарачай-Черкесияны шахарлары бла эллеринде 16 школ бла 50 сабий сад ишленнгенин билдирди.
- Къысха заманны ичинде Хабез районда юч школ ишленнгенди да, бу аланы бириди. Аллыбызда джууукъ заманда да Гитче Зеленчук элде спорт комплексни хайырланыугъа берликбиз. Аны да къурулушу битгенди. Ол комплексден бизни республиканы атын да, саулай Россияны атын да айтдыргъан спортсменле чыгъарыкъларына мен толу ийнанама, - деди ол.
Республиканы Башчысы, Псаучье-Дахеде джашагъанланы элде быллай аламат окъуу учреждение ишленнгени бла алгъышлаб, алагъа ишлеринде, джашауларында джангы джетишимле, саулукъ-эсенлик, насыб теджеди. Школну ишлерге юлюш къошханланы барына джюрек разылыгъын билдирди.
Джыйылыуда Хабез гипс заводну директору Аргунов Олег, школну директору Темирова Фаризат дагъыда башхала, сёлешиб, элни сабийлерине билим алыргъа быллай аламат окъуу учреждение ишлетгени ючюн КъЧР-ни Башчысы Темрезланы Рашидге, аны къурулушун бардырыргъа юлюш къошханлагъа уллу джюрек разылыкъларын билдирдиле.
Андан сора Темрезланы Рашид, республикан, район аралыкъладан баргъан башчыла школну кабинетлерине айланыб къарадыла. Анда хар не бла шагъырей болдула. Школ заманны излемине кёре окъуу керекле бла толу баджарылгъанын айтдыла.
Школну джангы мекямы 5475 квадрат метр джерни алады. Аны 16 классында 264 сабий окъурукъду.
ХУБИЙЛАНЫ Абу-Хасан.
{jcomments}
