Айтыргъа, Хабез районну Псаучье-Дахе элинде быйыл джылны аллында заманны излемине толу джууаб этген 264 сабийге орну болгъан джангы школ эшиклерин ачханды. Алгъаракъда Къарачай бла Черкесск шахарлада ачылгъандыла джангы орта билим берген окъуу учреждениеле – хар биринде 1260 сохтагъа орун барды.
Гитче Къарачай районну аралыгъы Ючкекенде 408 сабий сыйыннган школ ишленнгенди.
Бу школланы барында да ашхы оборудованиени кёрюрге боллукъду, физика бла химияны кабинетлеринде иш этиб къуралгъан демонстрацион столла бардыла, лингафон кабинетле эмда мастерскойла бла да хайырланадыла сохтала.
Россия Федерацияны «Развитие образования на 2013-2020 гг.» деген кърал программасы школланы ишлеу бла эски оборудованиени къурутуугъа багъышланнганды. Анга кёре Шимал Кавказны бютеу регионларында подпрограммала къуралгъандыла.
Шимал Кавказ федерал округну бир къауум джерлеринде алкъын юч смена бла ишлеген школла да бардыла. 2025-чи джылгъа бу кемликлени къурутур умут барды.
