Анда КъЧР-ни Башчысы Ставрополь крайны эмда Тула областны губернаторлары бла биргелей Миллет аэрозоль кластер бла арада иш джюрютюуню юсюнден келишиуге къол салгъанды.
Промышленность аэрозоль кластер 2016-чы джыл Ставрополь край бла Къарачай-Черкесияны джерлеринде къуралгъанды.
Аны ишин тири бардыргъан «Арнест» акционер обществону юсю бла эмда бизни республиканы предприятиелери бла байламлылыкъ таб джарашханыны себеби бла 2017-чи джылны аягъында бу кластерге Тула областны ол секторда ишлеген талай предприятиесин да къошаргъа оноу этилгенди.
Келишиуге къол салгъанла ол продукция бла кюрешген предприятиелени айныб кетерлерине, къралдан да болушлукъ табыллыгъына ышаныбдыла.
