Тебердиде кърал табигъат биосфера заповедникни джайгъы экология лагеринде Ростовдан келген сохтала солугъандыла.
Джыл сайын июлну 15-ден августну 21-не дери ростовчу сабийле эки поток бла былайда солуучандыла. «Лесной кордон» деген экспедиция отрядлада, 10 джылдан башлаб, 17 джылгъа дери 100 сабий болуучанды. Бу экология турист экспедицияны къурамына киргенле солугъандан тышында да джаяу джолчукъланы, машина тохтаучу джерлени тазалайдыла, агъач кёпюрлеге ремонт этедиле.

Къонакъ сабийле чегетле, джулдузла, компас бла байламлы программаланы джетишимли тамамлагъандыла. «Навигатор», «Капсула времени», «Робинзонада» деген оюн программаланы юслери бла кёб затдан хапарлы болгъандыла.
Арый-тала билмеген сохтала, бир таудан бирине ёрлеб, бир кёлден бирине барыб, кёб сейир затны кёргендиле, спорт эришиуледе кючлерин-къарыуларын сынаргъа мадар табхандыла.
Донагъы Ростов шахарны сохталары, заповедникде джаяу маршрутланы барына да айланыб, джуртубузну ариу табигъаты бла шагъырей болуб, кеслерине джангы тенгле, шохла да къураб, юйлерине разы болуб къайтхандыла.