Аланы бири «О среднесрочном прогнозе социально-экономического развития Карачаево-Черкесской Республики на 2018 год и на плановый период 2019 и 2020 годов» деб алайды. Аны проектин КъЧР-ни экономика ёсюмюню министри Накохов Али хазырлагъанды.
Анда республиканы экономикасын ёсдюрюуню джоллары белгиленнгендиле.
Документде аны бла бирге адамланы иш бла баджарыугъа, аланы керти ачха хайырларын ёсдюрюуге, халкъны джашау халын игилендириуге да уллу магъана берилгенди.
Бегимде баджарылыргъа белгиленнген затла регионал эмда федерал программаланы юслери бла этилликлери чертилгенди.
Бюгюнлюкде джергили автомобиль джолланы, аны кибик аланы адамла ётюучю переходларын заманны излемлерине кёре джарашдырыу да къысха заманны ичинде баджарылыргъа керекли джууаблы ишлени бириди. Правительствону джыйылыуунда алыннган бегимде айтылгъанына кёре, ол излемни толтурур ючюн, Къарачай-Черкес джол фондну ачхасындан анга субсидияла бёлюрге керекди. Правительствону членлери ол оюмну дурусха санагъанларын билдиргендиле. Алай бла 2017-чи джыл Къарачай-Черкесияны джол фондуну ачхасындан башында айтылгъан джумушланы этерге ачха бёлюннюгю белгиленнгенди.
КъЧР-ни Правительствосуну бу джолгъу джыйылыуунда «О содействии трудоустройству незанятых инвалидов на оборудованные (оснащенные) для них рабочие места» деген бегимни проекти да къабыл этилгенди. Адамланы ишге джарашдырыуну кърал къуллугъуну республикан управлениесини тамадасы Кумуков Хизир айтхандан, бу документ неден да алгъа сакъатлагъа джангы иш керекле бла баджарылгъан иш орунла къураугъа тыйыншлы эс бёлдюрюр ючюн алыннганды.
Министрлени Кабинетини джыйылыуунда сюзюлген бирси ишлени юслеринден да тыйыншлы бегимле алыннгандыла.
