Бу кюнледе КъЧР-ни Башчысы Темрезланы Рашид Москва шахарда Эресей Федерацияны Правительствосуну комиссия кенгешини ишине къошулгъанды.

Эресей Федерацияны вице-премьери Виталий Муткону башчылыгъы бла бардырылгъан кенгешде регионал бюджетлени джоюмларын хайырлы этиуню эмда РФ-ны бюджетлерине дотацияла бериуню юсюнден сёлешиннгенди.
«Бюгюн Москва шахарда РФ-ны вице-премьери Виталий Муткону башчылыгъы бла бардырылгъан Правительствону комиссиясыны кенгеш ишине къошулгъанма.
Джыйылыуда субъектлеге дотацияланы юлешиуню, аланы бюджетлерин тюзетиуню юсюнден сёлешинди. Аны тышында да 2020-чы эмда 2021-чи джыллагъа дотацияланы бериуню проектине къаралды.
Аны кибик, регионал бюджетледен этилген джоюмланы хайырлылыкъларына къаралды. Виталий Леонтьевич миллет проектлени толууларына уллу багъа берди, алагъа этилген джоюм 60 процент болгъанын да чертди.
Къарачай-Черкесия да ол тизимге киргенди. Бизни республикада миллет проектлени толтуруу ишле толусу бла бардырыладыла. Билим бериуде, саулукъ сакълауда, спортда, маданиятда, социал инфраструктурада уллу джетишимле бардыла», - деб джазгъанды Темрезланы Рашид Инстаграмда.