Бу кюнледе Къарачай-Черкес Республиканы Промышленность бла сатыу-алыу министерствосуна къарагъан уллу мекямланы терроризмден сакълауну юсюнден кенгеш бардырылгъанды. 

«Кенгешге терроризмге къаршчы регионал комиссияны эмда республиканы сатыу-алыу объектлерини келечилери къошулгъан эдиле.

Анда сатыу-алыу этилген джерлени, мекямланы къоркъуусузлукъ паспортларын къурауну эмда аны бегитиуню юсюнден сёлешиннгенди», - дегенди КъЧР-ни Промышленность бла сатыу-алыу министерствосуну келечиси.
Министерствону келечиси билдиргенден, Эресей Федерацияны Правительствосу 2017-чи джылны аууз-герги (октябрь) айыны19-да сатыу-алыу объектлени терроризмден сакъланыуларына къаты излемле салгъан эди. Ол излемлеге кёре, къайсы дараджалы къоркъуусузлугъу болгъаны да айтылыб, бютеу сатыу-алыу объектлени тизими къуралыргъа керекди. Сатыу-алыу объектлени терроризмден сакълауну юсю бла этилирге керекли ишле эмда къоркъуусузлукъ паспортну къурау да ол излем къагъытха киредиле.