Бу кюнледе Джёгетей Аягъы муниципал районну акт залында терроризмге, экстремизмге къаршчы кюрешге аталыб джыйылыу болду.
Джыйылыугъа КъЧР-ни Миллет ишлерини, кёбчюлюк коммуникацияла бла басманы юслеринден министерствосуну, республикада толтуруучу властны, кърал структураланы келечилери эмда дин къуллукъчула къошулгъан эдиле.
Джыйылыуну КъЧР-ни миллет ишлерини, кёбчюлюк коммуникацияла бла басманы юслеринден министри Хапиштов Мурат ачыб министерствону этген ишлерини юсюнден къысха хапар айтды. Ол Къарачай-Черкесияда терроризмге къаршчы кюреш бла байламлы кёб магъаналы иш этилгенин эмда аланы юслеринден миллетге хапар берилгенлей тургъанын чертди.
Ызы бла КъЧР-де терроргъа къаршчы комиссияны аппаратыны тамадасы Степанов Валерий да сёлешди. Ол Эресей Федерацияда терроризмге эмда экстремизмге къаршчы кърал системаны къаллай болумда тургъанын, аны бла да къалмай, бюгюнлюкде ол иги танг дараджагъа чыкъгъаныны юсюнден айтды.
Террорну джолун кесерлай профилактика эмда анга къаршчы ишле къалай бардыргъанларыны юсюнден Джёгетей Аягъы муниципал районну администрациясыны тамадасыны орунбасары Лещенко Светлана кенгешде къысха доклад этди. Ол КъЧР-ни Ич ишлерини Джёгетей Аягъы районда бёлюмюню къуллукъчулары, бирси кърал структурала, джамагъат организацияла эмда дин къуллукъчула бла бирге профилактика ишлени бардыргъанлай турургъа, ала бла байламлылыкъ джюрютюрге эмда ол нюзюр бла ишлерге кереклисини юсюнден чертди.
Къарачай-Черкес Республиканы Ич ишлерини министерствосуну экстремизмге къаршчы кюрешни аралыгъыны оперуполномоченыйи Пхешхова Ирина да бара тургъан джылны ичинде терроризм эмда экстремизм халгъа тартхан аманлыкъ ишлени эсеблерин айтды. Дагъыда ол бюгюнлюкде министерствону аллында тургъан борчланы юслеринден да чертиб сёлешди.
Ёсюб келген джаш адамланы тюз джолгъа салыу, тин, дин, адеб-намыс джаны бла джолну танытыу дегенча ашхы ишлени джамагъат бла бирге баджарыргъа тыйыншлы болгъанын, аланы ата-аналарыны болушлукълары да ол кюрешге амалсыз кереклисини юслеринден дин къуллукъчула да айтдыла. Артыкъсыз да бек, бюгюнлюкде Интернетде башында сагъынылгъан аман ишлени джайыб, аланы джаш тёлюге сингдирирге кюрешген сайтла аз тюлдюле. Ол затлагъа бек сакъ болургъа кереклисини юсюнден Джёгетей Аягъыны райс имамы Къаракетланы Анзор хаджи, Джёгетей Аягъы шахарда клисаны протоиерейи Петров Александр айырыб чертдиле.
Джыйылыуда башхала да сёлешдиле. Аланы хар бири экстремизм, терроризм дегенча джаман ишлени профилактикаларыны мадарларындан хапар айтхан, джаш адамланы сакълыкъгъа чакъыргъан докладла этдиле.
Семинаргъа къошулгъанла миллетге уллу магъанасы болгъан керекли талай сорууну сюзгендиле. Хар бири кесини оюмун айтыб, бир оноугъа келишгендиле. Джыйылыуну ахырында быллай кенгешлени асламыракъ бардыра турургъа эмда джергили властны органлары бла кърал структурала, джамагъат организацияла бла бирге ишлерге, ала бла байламлылыкъны андан да иги этерге кереклисин билдирдиле.
Джыйылыугъа КъЧР-ни Миллет ишлерини, кёбчюлюк коммуникацияла бла басманы юслеринден министерствосуну, республикада толтуруучу властны, кърал структураланы келечилери эмда дин къуллукъчула къошулгъан эдиле.
Джыйылыуну КъЧР-ни миллет ишлерини, кёбчюлюк коммуникацияла бла басманы юслеринден министри Хапиштов Мурат ачыб министерствону этген ишлерини юсюнден къысха хапар айтды. Ол Къарачай-Черкесияда терроризмге къаршчы кюреш бла байламлы кёб магъаналы иш этилгенин эмда аланы юслеринден миллетге хапар берилгенлей тургъанын чертди.
Ызы бла КъЧР-де терроргъа къаршчы комиссияны аппаратыны тамадасы Степанов Валерий да сёлешди. Ол Эресей Федерацияда терроризмге эмда экстремизмге къаршчы кърал системаны къаллай болумда тургъанын, аны бла да къалмай, бюгюнлюкде ол иги танг дараджагъа чыкъгъаныны юсюнден айтды.
Террорну джолун кесерлай профилактика эмда анга къаршчы ишле къалай бардыргъанларыны юсюнден Джёгетей Аягъы муниципал районну администрациясыны тамадасыны орунбасары Лещенко Светлана кенгешде къысха доклад этди. Ол КъЧР-ни Ич ишлерини Джёгетей Аягъы районда бёлюмюню къуллукъчулары, бирси кърал структурала, джамагъат организацияла эмда дин къуллукъчула бла бирге профилактика ишлени бардыргъанлай турургъа, ала бла байламлылыкъ джюрютюрге эмда ол нюзюр бла ишлерге кереклисини юсюнден чертди.
Къарачай-Черкес Республиканы Ич ишлерини министерствосуну экстремизмге къаршчы кюрешни аралыгъыны оперуполномоченыйи Пхешхова Ирина да бара тургъан джылны ичинде терроризм эмда экстремизм халгъа тартхан аманлыкъ ишлени эсеблерин айтды. Дагъыда ол бюгюнлюкде министерствону аллында тургъан борчланы юслеринден да чертиб сёлешди.
Ёсюб келген джаш адамланы тюз джолгъа салыу, тин, дин, адеб-намыс джаны бла джолну танытыу дегенча ашхы ишлени джамагъат бла бирге баджарыргъа тыйыншлы болгъанын, аланы ата-аналарыны болушлукълары да ол кюрешге амалсыз кереклисини юслеринден дин къуллукъчула да айтдыла. Артыкъсыз да бек, бюгюнлюкде Интернетде башында сагъынылгъан аман ишлени джайыб, аланы джаш тёлюге сингдирирге кюрешген сайтла аз тюлдюле. Ол затлагъа бек сакъ болургъа кереклисини юсюнден Джёгетей Аягъыны райс имамы Къаракетланы Анзор хаджи, Джёгетей Аягъы шахарда клисаны протоиерейи Петров Александр айырыб чертдиле.
Джыйылыуда башхала да сёлешдиле. Аланы хар бири экстремизм, терроризм дегенча джаман ишлени профилактикаларыны мадарларындан хапар айтхан, джаш адамланы сакълыкъгъа чакъыргъан докладла этдиле.
Семинаргъа къошулгъанла миллетге уллу магъанасы болгъан керекли талай сорууну сюзгендиле. Хар бири кесини оюмун айтыб, бир оноугъа келишгендиле. Джыйылыуну ахырында быллай кенгешлени асламыракъ бардыра турургъа эмда джергили властны органлары бла кърал структурала, джамагъат организацияла бла бирге ишлерге, ала бла байламлылыкъны андан да иги этерге кереклисин билдирдиле.
БАТЧАЛАНЫ Фатима.
{jcomments}
