Къарачай-Черкес Республиканы Башчысы Темрезланы Рашид Эресей Федерацияны  Регионал ёсюмюню хакъындан Правительство комиссияны кенгешине къошулгъанды.

Ол кенгешни РФ-ны Правительствосуну Председателини орунбасары Виталий Мутко бардыргъанды.

Кенгешде хайыр келтирлик миллет проектлени джашаугъа кийирирге федерал эмда регионал бюджетлеге къарауну, шахарны къурагъан предприятиелени (моногород)  ёсдюрюр джанындан этилирге керекли ишлени юслеринден сёлешгендиле.

Виталий Мутко шахарны къурагъан предприятиелени ёсюмлерини юслеринден ишлени кърал форматда джарашдырыргъа кереклисин айтханды. Ол проект бусагъатда толу джарашдырыла турады.
Чертерге излегенибиз, Къарачай-Черкесияда ол проект Уруп районну Медногорский посёлогунда джашаугъа сингдирилликди.
Кенгешге къошулгъанла Эресей Федерацияны субъектлери бла муниципал къуралышларыны налог джоюмларына багъа бериуню джорукъларыны эмда Эресейни 2025-чи джылгъа дери ёсюмюню стратегия планыны юслеринден да бир-бири оюмларына тынгыладыла.