Сиз бу суратда кёрген джаш адамла сыйлы динибизни джолунда биринчи атлам этгенледиле. Динден хапары болгъан джашауда терс атлам этмейди. Была да, Аллах айтса, тыйыншлы адамла болуб, аталарын-аналарын къууандырырла, миллетге да, къралгъа да  джараб, бюсюреу алырла.

Бусагъатда билимли болургъа не таблыкъ да барды. Сабийле Ючкекенде джамагъат тамалда ачылгъан, неси да джарашыб тургъан, дин школгъа джюрюйдюле. Сабийлени сынамлы устаз Къобаланы Фатима (Сылпагъарланы Ибрагимни къызы) окъутады. Дерс китабланы да кеси джазгъанды. Аны къолунда окъугъанла конкурслада хорлагъанлары ючюн эки кере муфтиятны медалы берилгенди.

Олтургъанла: Айбазланы Алий, Батчаланы Расул, Шидакъланы Ахмат,  устазлары Къобаланы Фатима, Айбазланы Абдул, Батчаланы Ахмат, Айбазланы Алихан. Сюелгенле: Эриккенланы Аслан, Лайпанланы Мухаммат, Ёзденланы Камил, Байчораланы Эмир, Лайпанланы Алий, Семенланы Алишер, Эриккенланы Азрет, Ёзденланы Мухаммат, Джанкёзланы Супран, Аджиланы Эльдар.

АППАЛАНЫ Билял.