Эресейни Президентини сайлауларында адам джашагъан джеринде болмай башха джерде болса «Мобильный избиратель» деген мадар бла хайырланыб чёб атаргъа боллукъду. Аны бла байламлы тилек къагъытланы алыу башил айны 29-да башланнганды.
Адам тургъан джеринде чёб атар ючюн, алтотур айны 11-не дери «Госуслуги» порталда, джергили сайлау комиссияда неда кърал эмда муниципал джумушла баджаргъан аралыкъда (МФЦ) тилек къагъыт берирге керекди.
Алтотур айны 6-дан 11-не дери тилек къагъытланы участок сайлау комиссияла да алыб тебрерикдиле. Тилек къагъытны адам кеси барыб берирге да боллукъду, аны ючюн биргесине паспортун алыргъа, къайсы участокда чёб атаргъа излегенин сайларгъа тыйыншлыды.
Тилек къагъытла аллыкъ джергили сайлау комиссияла башил айны 29-дан алтотур айны 11-не дери бу халда ишлерикдиле: иш кюнледе 16 сагъатдан 20 сагъатха дери, солуу кюнледе да 10 сагъатдан 14 сагъатха дери.
Алтотур айны 6-дан 11-не участок сайлау комиссияла иш кюнледе 16 сагъатдан 20 сагъатха дери, солуу кюнледе да 10 сагъатдан 14 сагъатха дери ишлерикдиле.
