Къарачай-Черкесияны сыйлы джамагъаты! Хурметли ветеранла!

Ата джуртну къоруулаучуну кюню бла сизни таза джюрекден алгъышлайма!
Рахатлыкъ, тынчлыкъ, джарашыулукъ – джашауда эм бек багъалатхан затларыбыз быладыла. Бу байрамны тарихи бай, махтаулу болгъаны да аны ючюндю. Ата джуртну насыбы ючюн халал къуллукъ этиб кюрешгенлеге сый бериудю аны баш магъанасы. Аскер махтауну, батырлыкъны, сыйны, намысны белгилеген бу байрам кюнде Уллу Ата джурт къазауатны ветеранларына, узакъда, джууукъда да къралыбызны излемлерин джакълай, къаугъаны джукълатыб кюрешгенлени, айхай да, бусагъатда Донбассда аскер борчларын баджаргъанланы эсге тюшюребиз, алагъа хурмет этебиз.
Джуртну сакълагъанлагъа кюч-къарыу, сабырлыкъ-тёзюмлюлюк, юйдегилерине насыб, ветеранларыбызгъа саулукъ, узакъ ёмюр теджейме. Солдатла бла абычарла къуллукъларында джетишимли болсунла, окъ-тоб тюбюнде борчларын айыбсыз баджаргъан джигитлерибиз да юйлерине хорлам бла къайтсынла!

РФ-ны Федерал Джыйылыууну Федерация
Советини члени Салпагъарланы Ахмат