Бу кюнледе КъЧР-ни Башчысы Темрезланы Рашид КъЧР-ни Терроризмге къаршчы комиссиясыны эмда Сепаратизм, национализм, экстремизм ишлеге къаршчы штабны келечилери бла кенгеш бардыргъанды. Кенгешге Эресейни ФСБ-ны КъЧР-де управлениесини, джорукъ сакълагъан органланы, Эресейни МЧС-ни КъЧР-де Баш управлениесини тамадалары къошулгъан эдиле.
Кенгешни аллында кърал къуллукъчула Къарачай шахарда эмда Мара Аягъы посёлокда аманлыкъчыланы къолларындан ёлген полициячыланы эсгергендиле. Аланы эт-джен адамлары бла бирге бушуу этгенлерин билдиргендиле.
Терроризмге къаршчы комиссияны эмда Сепаратизм, национализм, экстремизм ишлеге къаршчы штабны адамлары республиканы Башчысына Уллу Хорламны кюнюнде, кёбчюлюк къошуллукъ башха джыйылыулада адамланы къоркъуусузлукъларын сакъларча, джорукъ бузулмазча къаллай ишле этилгенлерини юсюнден докладла этгендиле.
Темрезланы Рашид чертгенден, экстремизм, аны кибик джамагъат джорукъну бузаргъа джораланнган аманлыкъ ишле терк огъуна къурутулургъа тыйыншлыдыла. Аны бла да къалмай, республикада джашагъанла кеслери да сакъ болургъа керекдиле.
Кенгешни ахырында къууанч джыйылыулада адамланы къоркъуусузлукъларын бегитиу эмда социал учреждениелени, предприятиелени, улоуну терроризмден сакълау бла байламлы къошакъ мадарла да къуралгъандыла.
Терроризмге къаршчы комиссияны эмда Сепаратизм, национализм, экстремизм ишлеге къаршчы штабны адамлары республиканы Башчысына Уллу Хорламны кюнюнде, кёбчюлюк къошуллукъ башха джыйылыулада адамланы къоркъуусузлукъларын сакъларча, джорукъ бузулмазча къаллай ишле этилгенлерини юсюнден докладла этгендиле.
Темрезланы Рашид чертгенден, экстремизм, аны кибик джамагъат джорукъну бузаргъа джораланнган аманлыкъ ишле терк огъуна къурутулургъа тыйыншлыдыла. Аны бла да къалмай, республикада джашагъанла кеслери да сакъ болургъа керекдиле.
Кенгешни ахырында къууанч джыйылыулада адамланы къоркъуусузлукъларын бегитиу эмда социал учреждениелени, предприятиелени, улоуну терроризмден сакълау бла байламлы къошакъ мадарла да къуралгъандыла.
{jcomments}
