Къарачай-Черкес Республиканы джамагъаты!

Хорламны кюню бла барыгъызны да таза джюрекден алгъышлайма!
Эресейни адамлары бу байрамны айырыб багъалы кёредиле - хар юйдегини энчи тарихини бирер кесеги барды анда.
Уллу Ата джурт къазауатны сыйлы ветеранлары, тылда кече-кюн демей ишлегенле, башсыз тиширыула, къазауатны сабийлери! Сизни джигитлигигизни, ётгюрлюгюгюзню магъанасын заман азайталлыкъ тюлдю. Биз сизни бла ёхтемленнгенлей, сизге – Хорламны тёлюсюне – тенг болургъа тырмашханлай джашайбыз! Къазауатны джылларында халкъыбыз, ауур сынамладан ётюб, кючюн-къарыуун, ётлюлюгюн, Джуртуна тюгенмезлик сюймеклигин бютеу дуниягъа танытханды. Огъурлулукъну, тюзлюкню сиз кёргюзген юлгюлери Эресейни джашнатыр ючюн къаджыкъмай кюреширге бизни учундургъанлай турлукъду.
Бу унутулмазлыкъ кюнюбюзню джууукълашдырыр ючюн кюрешгенлени эсден кетермей туруу тёлюден тёлюге кёче келген шартыбызды. Бюгюнлюкде ол тукъум байламлылыкъ бютюн кючлю болгъанды. Джангы заман джангы сынамла чыгъаргъанды. Эресей энтда фашизмге къаршчы урушха ёрге тургъанды. Солдатла бла абычарла, ал сафда джанларын-къанларын аямай, Ата джуртубузну эркинлигин джакълаб кюрешедиле. Донбассны миллетчиледен азатлай, Уллу Ата джурт къазауатны кёзюуюнде ол джерледе совет солдатла этген джигитликни бюгюн аланы туудукълары танытадыла. Бюгюннгю аскерчиле - ол ата-бабаланы уланлары - махтаугъа ала кибик тыйыншлыдыла. Алай демеклик, тюненени, бюгюнню джигитлери да бир сафдадыла! Барыбыз да биргебиз – халкъыбызны тауусулмазлыкъ кючю андады. Эресейни аскер махтауу мындан ары да ёсгенден ёсюб барсын!
Бу байрам кюнде сизни барыгъызгъа да саулукъ-эсенлик, узакъ ёмюр теджейме. Насыб, берекет джашау джолугъузну джарытханлай турсунла!

РФ-ны Федерал Джыйылыууну Федерация
Советини члени САЛПАГЪАРЛАНЫ Ахмат.