Бу кюнледе Къарачай-Черкесияны шахарлары бла районларында, адетдеча, джазгъы джармалыкъланы кёзюую башланныкъды.

Арттотур (апрель) айны 16-да Черкесскеде орналгъан «Агропарк» деген сатыу-алыу комплексде джыл сайын болуучу республикан джазгъы джармалыкъ бардырыллыкъды. Джармалыкъ боллукъ джерге джамагъат транспорт джюрюрюкдю. Ары барлыкъ автобуслагъа, троллейбуслагъа «Ярмарка – «Агропарк» деген белгичикле салынныкъдыла.
Республикада джашагъанла эмда къонакъла джармалыкъда эл мюлк продукция, эт, татлы затла, тюрлю-тюрлю урлукъла, семиртгичле, халкъ чыгъармачылыкъны усталары этген эмда башха затланы сатыб алыргъа боллукъдула.
Республикан джармалыкъда кеслерини продукцияларын этден, сютден джукъ чыгъаргъан предприятиеле, фермер мюкле, чегет мюлк учреждениеле, табышлылыкъ бла кюрешгенле, промышленность, сатыу-алыу организацияла дагъыда башхала теджерикдиле.
Джармалыкъда болгъан продукцияны адамла учузуракъ багъа бла сатыб алыр мадар табарыкъдыла.
Джармалыкъны кёзюуюнде адамланы кёзлерин ачар муратда республиканы белгили артистлери концерт кёргюзюрюкдюле.