Хурметли джердешлерибиз!

КъЧР-ни Конституциясыны кюню бла алгъышлайбыз сизни!

Къарачай-Черкесияны 100-джыллыгъы байрамланнган чакъда бу кюнню магъанасы бютюн да уллуду. 1992-чи джыл КъЧР-ни къуралгъаны эмда 1996-чы джыл аны Конституциясыны алыннганы регионубузну энчи субъектча айныу джолуна КъЧАО-ну къуралгъаныны ызындан этилген атламла эдиле.

Конституцияны джарашдырыу бла байламлы къыйын борчла КъЧР-ни Халкъ Джыйылыууну биринчи чакъырыууну эмда Юстицияны регионал министерствосуну боюнларына тюшген эдиле. Закон чыгъарыучула, талай айны кюрешиб, кючлю тукъум сюзюб, ичине кёб затны сыйындыргъан, терен магъанасы, джылыуу да болгъан документ джарашдыргъан эдиле. Ма, сёз ючюн, КъЧР-ни Конституциясында «уллугъа, тиширыугъа, не тюрлю дин ахлу адамлагъа да хурмет этиу, халал джюрекли болуу ол сыйлы борчду» деб джазылыбды. Ёмюрледен келген ол джорукъладыла бизни тамашалыкъ Къарачай-Черкесиябызда джашагъан миллетлени бирикдирген затла.

Джыйырма алты джылны узагъына регионну политика низамыны джорукъларын, аланы джашауда бардырыуну мадарларын белгилеб, социал-экономика джаны бла джарашыулукъгъа закон кюч бла джол ачыб келген Конституциябыз республиканы ёсюмюне деменгили тамал болуб турады.

Къарачай-Черкесияда джашагъанланы бу уллу байрам бла алгъышлай, хар юйдегиге саулукъ-эсенлик, рахатлыкъ, насыб теджейбиз!

Къарачай-Черкес Республиканы Башчысы

ТЕМРЕЗЛАНЫ Рашид

Къарачай-Черкес Республиканы Халкъ

 Джыйылыууну (Парламентини) Председатели

ИВАНОВ Александр

Къарачай-Черкес Республиканы

Правительствосуну Председатели

АРГУНОВ Мурат.