Мен оюм этгенден, бизни къралыбызны Президенти Владимир Путин тюз оноу этеди. Биз аны оноууна сыйныргъа борчлубуз. Эресейни Украинада бардыргъан спецоперациясы башха мадар болмай башланнганы хакъды. Аны ючюн мени тилерим, баргъан къаугъа бек тереннге кирмей, рахатлыкъда, шохлукъда, джарашыулукъда бошалса иги эди.

Донбасс, Луган областлада джашагъан тюз адамладан къачхынчыла болсала уа, къолубуздан келгенича болушурукъбуз. Бизге да кёчгюнчюлюкде 14 джылны ичинде болушхандыла. Юйюн, джерин къоюб келген адам, къыйынлыкъ, зарауатлыкъ, ачлыкъ кёрюб келеди. Аллайгъа къол узатхан сууабды. Ашарыгъыбыздан юлюш этгенликге биз джарлы боллукъ тюлбюз.

Спецоперациягъа баргъан джашларыбызны уа, Аллах чырмаусуз, ёлюмсюз, окъ, тоб тиймей хорлам бла юйлерине къайтырча этсин.

Уллу Аллах эркишини атасын, анасын, Джуртун сакълар ючюн джаратханды. Эресейчи солдатла юйлерин, халкъларын, Джуртларын НАТО-чуладан сакъларгъа деб, баргъандыла.

Мен сагъыш этгенден, бизни къралны бардыргъан политикасы тюздю. Биз Эресейни миллетлери биригиб, аны джакъларгъа борчлубуз.

Акъбайланы Халимат,

52 джылын устазлыкъ ишге берген,

Къарачай-Черкесияны айырма устазы.