Не тукъум къаугъа да иги тюлдю, эки джанындан да кёб адам ачыйды. Алай болса да, къралыбызны Президенти Владимир Путин Украинада бу ишни амалсыз кереклиге санаб башлагъанды да, Сыйлы Аллах уллу ачыусуз тамамларгъа буюрсун!

Бусагъатда туудукъчугъум къралыбызгъа анда къуллукъ этеди да, анга, аныча джаш адамлагъа, бек къайгъырама. Инша Аллах, ала антларына кертиликлерин танытыб, джууаблы къуллукъларын мийик дараджада баджарыб, къысха заманда юйлерине сау-эсен джыйылырла!

Джуртубуздан къысталыб, киши джерде джашау этиб, кёчгюнчюлюкню сынауларын кесибиз 14 джылны чекгенбиз. Ол заманда къазакълыла, къыргъызлыла эмда башха миллетле кёлтюргючлюк этгенлери бла халкъыбыз аякъ тиреген эди. Ала бизге болушханча, биз да Донбасс бла Луганск областладан джунчуб келгенлеге тыйыншлы къонакъбайлыкъ этерге кюреширикбиз. Район аралыкъда алагъа деб, ары-бериле джыйгъан пункт ачылгъан хапар барды да, къолдан келгенича, ары мен да бир джукъла элтирикме.

Уруп райондан Алийланы Асият, Аубекирни къызы.