Мындан алда Томск шахарда 18-20 джыл болгъанланы араларында бел тутушдан Эресейни биринчилиги ючюн эришиуле ётген эдиле. Анда Къарачай-Черкесияны спортчулары усталыкъларын танытыб, 8 медалгъа ие болгъандыла.

Алайды да, Батдыланы Шамил (62 килограмм), Руслан Наурдинов (68 килограмм), Бостанланы Назим (75 килограмм), Къалаханланы Ахмат (82 килограмм), Байрамукъланы Мурат (90 килограмм), Боташланы Азамат (100 килограмм), Къазийланы Ислам (100 килограммдан аслам) алтын медаллагъа тыйыншлы болгъандыла. Аппаланы Элдар (82 килограмм) кюмюш медаль алгъанды.
Биринчи орунну алгъан спортчула къыркъаууз (сентябрь) айда Узбекистанда бардырыллыкъ дуния дараджалы эришиулеге къошуллукъдула.
Спортчуланы юретгенлени атларын да айтайыкъ – Руслан Хватыш, Айдынланы Резуан, Лайпанланы Биаслан, Лайпанланы Дахир, Эбзеланы Идрис, Тотуркъулланы Ансар.