Къралыбызны Президенти Владимир Владимирович Путин байрым (февраль) айны 24-де Украинада бизни къралгъа къоркъуулу болгъан ишлени тыяр джанындан иш этиб къуралгъан операцияны бардырыуну юсюнден айтханды.

Ол амалсыз этилирге керекли иш эди. Донецк Халкъ Республика бла Луганск Халкъ Республикада арт 8 джылны ичинде адам ёлтюрюу тохтамагъанды. Джаулукъ этген аскер инфраструктура къуралыб, ёсюб баргъанды.

Эресей аллай бир джылны ичинде рахатлыкъгъа, Минскеде бегитилген кесаматланы толтурургъа чакъырыб тургъанды. Бизни эшитмегендиле, эшитирге да излемегендиле. Вашингтонну айтханына тынгылагъандыла. Алагъа Украинада НАТО-ну аскер базаларын орунлашдырыргъа, Киевге да ядро сауут керекди. Бизге уа къоркъуусузлукъ, тамблагъы кюнюбюз рахат болуруна ышанмакълыкъ керекди.

Мен сизни тынгысыз болгъаныгъызны ангылайма, официал, ышаннгылы источникле берген информациялагъа ийнанырыгъызны тилейме. Ётюрюк, джалгъан эмда паника джаяргъа деб къуралгъан джангылыкъланы джайыудан кесигизни тыйыгъыз, джюреклеригизни сабырлыкъгъа, рахатлыкъгъа бёлегиз. Бусагъатда биз барыбыз да биригирге, бирге болургъа керекбиз.

Ёзденланы Джашарбек,

Кърал Думаны депутаты.