Бу кюнледе Черкесск шахарны Ленин атлы проспектини 154-чю мекямында Донбассдан къачыб Къарачай-Черкесиягъа келген адамлагъа эркинликлери бла тыйыншлысыча хайырланыргъа болушурукъ аралыкъ ачылгъанды.

«Бирикген Эресей» деген политика партияны КъЧР-де регионал бёлюмюню пресс-къуллукъчусу Фатима Мидова айтхандан, ол аралыкъда ДНР бла ЛНР-ни адамларына право джаны бла не тюрлю болушлукъ да этилликди.

Фатима чертгенден, «Центр правовой помощи беженцам» деген аралыкъ «Бирикген Эресей» деген политика партияны Председатели Дмитрий Медведевни КъЧР-де регионал джамагъат приёмныйинде ачылгъанды.

Ол аралыкъны къуллукъчулары +7-977-700-01-16 телефон номер бла консультацияла да этедиле. Этот адрес электронной почты защищён от спам-ботов. У вас должен быть включен JavaScript для просмотра. электрон почтагъа эмда партияны регионал бёлюмюню социал сетледе аккаунтларына джазылгъан тилекле да сюзюллюкдюле. Аланы юслери бла да тыйыншлы оноула этилликдиле.

Алгъаракъда Луганский эмда Донецкий халкъ республикаладан къачханлагъа Къарачай-Черкесиядан гуманитар болушлукъ джиберилген эди.

Алагъа керекли затланы джыйышдырыб, энтда да джиберир мурат бла КъЧР-ни шахар, район аралыкъларында гуманитар пунктла да ишлеб тебрегендиле.

СОЛТАНЛАНЫ З.