Ёмюрледен бери да онглу джашларыбызны джашау джоллары къартларыбызны учундура, джаш тёлюбюзге да юлгю болгъанлай келедиле.
Озгъан ёмюрню 40-чы – 50-чи джылларында, ким болса да «бизни миллетни джашларындан бири илмуда уллу джетишимле этиб, керти академик боллукъду» десе, хазна киши ийнанныкъ болмаз эди.
Аллахха минг шукур, ол кюнлеге да джетдик.
Эресейни Илмула академиясыны академиги, «Щёлково Агрохим» компанияны баш директору, Къаракетланы Добайны джашы Салисни илмуда, башламчылыкъ эмда мюлк ишледе уллу джетишимлерини юсюнден газетледе, журналлада окъусам неда телевизорда кёрсем, тамам къууаныб, джюрегимден Салисге алгъыш этиученме. Ма аллай учуннган кюнлерими биринде, халкъыбызны атын айтдыргъан, Къаракетланы Салисге атаб джазгъан назмуму «Къарачай» газетни окъуучуларына теджейме.
КЕЧЕ АЙСА
Исси салам сеннге, Салис, къарнашыбыз!
Аллах айтса, Сен тынч-эсен болурса?
Сеннге джетсин бизни этген алгъышыбыз.
Омакъ сёзсюз, Сен халкъынга огъурса.
Ёлчелемей берилгенча кёребиз,
Сен дагъанса инджилгеннге, джууукъ-тенгнге,
Аны ючюн артыкъ да сый беребиз.
Халкъда сыйы болгъан атанг Добайгъа.
Сенича джаш халкъы ючюн, деб джашайды,
Баш урмайды къуллукъчугъа не байгъа.
Уллу алим – АКАДЕМИК – болгъанса.
Джан бла санны излемлерин тенгиш салыб,
Тин байлыкъдан, мал байлыкъдан толгъанса.
Къартла сени джашларыча кёрелле.
Этген ишинг саулай къралгъа белгилиди,
Кърал башчыла сеннге багъа берелле.
Алчы болуб урунууда, илмуда.
Сен ушайса кюндюз кюннге, кече айгъа.
Чырт арыма-талма алгъа барыуда!
Саулукъдан да, насыбдан да толсунла!
Сый келтире халкъгъа, алгъа барыуда
Туудукъларынг сеннге ушаш болсунла!
Сый келтире халкъгъа Сен джюз джыл джаша!
Уллу Аллах къарыуунгу къатландырыб,
Закий Салис, Нарт Къарчагъа Сен уша!
РСФСР-ни махтаулу къурулушчусу, СССР-ни Министрлерини Советини саугъасыны лауреаты, «Хурмет Белгиси» орденни кавалери, КъЧР-де Къартланы советини башчысы.
