Бизни республикада «Ана тил бла адабиятны эм иги устазы» Бютеуэресей конкурсну регионал этапы башланнганды.

Ол устазланы усталыкъларын, магъаналарын ёсдюрюу бла байламлыды. Ана тил бла адабиятдан окъутхан устазланы сыйларын кёлтюрюуде конкурсну магъанасы уллуду. «Дерс» эмда «Методика мастерская» деген темала бла устазла эришиулени биринчи кюнюнде билимлерин, болумларын кёргюзгендиле. Устазла дерслени къалай бардыргъанларындан хапар айтхандыла, сынам бла да алмашыннгандыла. Конкурс алкъын барлыкъды.
2023-чю джыл конкурсну регионал этапында Абаза районну устазы Ида Дахчукова биринчи оруннга ие болгъанды.
Озгъан джыл «Ана тил бла адабиятны эм иги устазы» Бютеуэресей конкурсуну филиалы Къарачай-Черкесияда бардырылгъанды. Анда Эресейни билим бериу министри Сергей Кравцов да болгъанды. Конкурсну финалында къралны 75 регионуну устазлары эришгендиле. Ала Эресей Федерацияны 30 миллетини келечилери болгъандыла.