Бу кюнледе КъЧР-ни Башчысы Темрезланы Рашид Федерал казначействону Къарачай-Черкесияда управлениесини тамадасы Дотдайланы Юрий бла тюбешгенди.

Тюбешиуде управлениени 2023-чю джыл баджаргъан ишлерини эсеблерини, республикан эмда муниципал бюджетлени толтурууну юслеринден сёлешиннгенди. Дотдайланы Юрий федерал проектле, программала бла байламлы бюджет къалай толгъанындан да хапар айтханды.
Дотдай улу чертгенден, РФ-ны Правительствосуну проект ишлени хакъындан департаменти билдиргеннге кёре, Къарачай-Черкесия 2023-чю джыл федерал бюджетни толтургъаны бла Эресейни субъектлерини арасында 11-чи орунну алгъанды.
«Ол мийик кёргюзюмдю. Анга управление бла кърал эмда муниципал органла социал магъаналы, инфраструктура проектлени толтурууда бюджет джаны бла биригиб ишлегенлери шагъатлыкъ этеди», - дегенди Темрезланы Рашид.
Темрез улу айтхандан, федерал казначейство бла аны регионал бёлюмлери къралда, регионда да бюджет системаны агъачлылыгъын, республиканы социал-экономика ёсюмюн баджаргъан финанс органладыла.