Къысха болджаллы (срочный) урунуу кесамат – ол документди, кеси да белгиленнген болджалгъа иш бла баджаргъан адам бла ишге джарашханны арасында этиледи.

Ол затды аны болджалсыз (бессрочный) урунуу кесаматдан башхалыгъы да. Урунуу кодексни 58-чи статьясында аны юсюнден айтылады.
Къысха болджаллы урунуу кесаматны беш джылдан аслам заманнга этерге болмайды. Законда аллай кесаматны эм къысха болджалыны юсюнден сёз да айтылмайды. Бир бёлек заманнга деб этилген урунуу кесамат, сюд бла бегитилген тамалы болмаса, болджалсыз заманнга этилгеннге саналады.
Ишни не бла байламлы болгъанына эмда къалай толтурургъа тыйыншлысына кёре, аны бла хайырланыргъа эркиндиле:
бютеу къагъытлада, айтыргъа, коллектив кесаматда, закон бла да ишге чыгъаргъа эркинлиги болуб, бир сылтау бла бусагъатда ишлемей тургъан адамны орнуна ишге джарашхан; эки ай чакълы бир заманнга ишге чыкъгъан; джылны чакълары бла байламлы ишлени баджаргъан; тыш къраллагъа ишлерге атланнган адам; къошакъ халда теджелген иш бла кюрешгенле (реконструкция, монтаж) эмда производствону кенгертиу бла байламлы.
Эки джаны да разы болуб, этиледи кесамат:
кёб адам ишлемеген табышлылыкъ ишни келечилери бла (ишчилени саны 95 адамдан кёб болмагъан, сатыу-алыуда – 20 адам); пенсиягъа чыгъыб тургъанлай ишге джарашханла бла; болджалсыз кесаматны тамалында ишлеб тургъан адам пенсиягъа чыкъса, аны бла къысха болджаллы урунуу кесамат этерге иш бла баджаргъан адамны эркинлиги барды; саулукълары къарыусуз адамла бир бёлек заманнга ишге джарашсала; Къыйыр Шималда эмда анга тенг болгъан джерледе ишге джарашханла бла; чарпыуланы, аварияланы тыяр ючюн бардырылгъан ишле бла байламлы.