Багъалы джердешле! Барыгъызны да Къарачай-Черкесияны Конституциясыны кюню бла алгъышлайбыз!

1996-чы джыл алтотур айны 5-си Къарачай-Черкесияны тарихинде магъаналы кюнлени бириди. Ол кюн республиканы Баш закону къабыл этилгенди. Бюгюннге дери да КъЧР-ни Конституциясы власть органланы биригиб ишлегенлерини тамалы болуб келеди, Эресейни къурамында регионнга алгъа барыргъа болушады, кёб миллетли эмда кёб динли республикада джарашыулукъну сакъларгъа мадар береди, ол баш эркинлигибизни тамалыды.
Ол заманда КъЧР-ни Конституциясын джарашдырыугъа уллу юлюш къошханлагъа – КъЧР-ни Халкъ Джыйылыууну депутатларына, КъЧР-ни Юстиция министерствосуну къуллукъчуларына, экспертлеге, республикада джашагъанлагъа – бюгюнлюкде да джюрек разылыгъыбызны билдиребиз. Ала республиканы законла чыгъарыучу органына кеслерини оюмларын билдириб, Баш законну джарашдырыугъа кёб къыйынларын салгъандыла. Къарачай-Черкес Республиканы Конституциясыны проектине федерал дараджада да уллу багъа берилгенди.
Багъалы джердешле! Бизни баш борчубуз Къарачай-Черкесияны Конституциясын билиудю, анга сый бериудю. Барыгъызны да байрам бла алгъышлайбыз.

Къарачай-Черкес Республиканы Башчысы
Темрезланы Рашид

Къарачай-Черкес Республиканы Халкъ
Джыйылыууну (Парламентини) Председатели
Иванов Александр
Къарачай-Черкес Республиканы
Правительствосуну Председатели
АРГУНОВ Мурат.