* * *
Чегем сууну бойнунда, бир элде, тирлик джыйыб бошагъандан сора, уллу сабан той этгендиле. Ындыр, къууукъ джайылгъан джерни тёгерегине гюрен туруб, эл адамы тутуш къурагъанды да, сегиз гёджебни ортагъа алыб, аланы тутушларына сейир этиб къарагъанды. Тутуш бошалгъанды. Алай элчилени къурчлары къанмай, гёджеблени экинчи кере да тутушдургъандыла.

Бир-бири бла джагъалаша, шаугютлери иги къызгъан гёджебле: «Ючге дери тепси аякъ», - деб, ючюнчю кере да тутушхандыла. Тутуш бошалгъандан сора, джыйылгъанлагъа бир къарт: «Джашаулу болсунла гёджеб джашларыбыз, кёлюбюзню кёлтюрдюле, кёзюбюзню джарытдыла. Энди бу сегиз джаш бир-бири белинден ненча кере тутханын бир тергеб кёрюгюз. Джууабын ким терк табса да, анга асыралгъан иркими берликме», - дегенди.
- Аллындагъы бир тутушда бизни джашыбыз джетеулен бла тутушханды, андан сора...
- Экинчи кере тутушханда, бизни гёджебибиз...
- Алай санагъанны къоюгъуз, - деб, къарт къолун кёлтюргенди.
- Сегиз джигит юч кере силдешгенди. Барысы да белибаугъа ненча кере джабышхандыла, аны айтыгъыз?
Мындада, муну аллында эсебдеча, амал хайырланады.
Сегиз джаш бир тутушууда джыйырма сегиз кере, ючюнчю тутушха уа сексен тёрт кере илинишгендиле.
* * *
Юйню ичинде - тёрт киштик, хар мюйюшде - бирер киштик, хар киштикни аллында - ючюшер киштик.
- Киштикле бары да ненчадыла?
- Тёрт.
* * *
Къаргъала учхандылада, къазыкълагъа къоннгандыла. Хар къазыкъгъа экишер къаргъа къоннганында, бир къазыкъ артыкъ къалгъанды; хар къазыкъ сайын бир къаргъа къоннганында, бир къаргъа артыкъ болгъанды.
- Къаргъала ненча, къазыкъла да ненча болгъандыла?
- Къаргъала 4, къазыкъла 3.