Бу кюнледе Къарачай-Черкес Республиканы Башчысы Темрезланы Рашид РФ-ны вице-премьери Виталий Муткону башчылыгъы бла бардырылгъан видеоконференцияны ишине къошулгъанды.

 Анда «Жильё и городская среда» деген миллет проект Къарачай-Черкесияны джеринде къалай толтурулгъаныны юсюнден сёлешиннгенди.
«Обеспечение устойчивого сокращения непригодного для проживания жилищного фонда Карачаево-Черкесской Республики на 2019-2025 годы» деген регионал программаны тамалында 2024-чю джылны аягъына 7 кёб фатарлы юйден 172 адам башха юйлеге кёчюрюллюкдюле. Бусагъатда, программаны биринчи кёзюуюнде, Джёгетей Аягъы шахарда кёб фатарлы юйден 16 адам кёчюрюле турады.
Быйыл «Жильё» деген регионал проектни эмда «Стимулирование развития жилищного строительства» деген подпрограмманы тамалларында Черкесскени шимал джанында «школа-сабий сад» комплексни, Черкесскени шимал-кюн батхан джанында джангы микрорайонда джолланы къурулушлары бара турадыла, хайырланыугъа эндиги джыл берилликдиле.
Аны бла да къалмай, республиканы джеринде 33 кёб фатарлы юй ишлене турады, аланы 11-ин бу джылны аягъына хайырланыугъа берликдиле.
«Формирование комфортной городской среды» деген программаны тамалында 2019-чу джылгъа 12 джамагъат эмда 60 арбаз джерлени джарашдырыр нюзюр бар эди. Ол джумушланы кёбюсю этилгенди. Андан къалгъанын да абыстол (ноябрь) айны аягъына этиб бошар умут барды.

 
{jcomments}